Menu principal

Menu principal

Yessefk usedrew n temẓermisin deg wallus n useqdec n tursaḍ

Yeffeɣ-d ass n : Ttlata, 13 Tubeṛ 2020 11:58   Ɣran-t : 9 n tikkal
Yessefk usedrew n temẓermisin deg wallus n useqdec n tursaḍ

WEHṚAN – Tenna-d tneɣlaft n twennaḍt, Nassira Benharrats, ass n usamas deg Wehṛan, dakken yessefk ad tettwasderwent temẓermisin deg wallus n useqdec n tursaḍ.

Mi terza ɣef yisenfaren yeqqnen ɣer ugzum-nnes deg twilayt-a, twekked-d tneɣlaft dakken « ilemẓiyen izzayriyen sseknen-d tiẓdarin d yimlazmaren-nsen igerrzen deg yinurar yemgerraden yernu yessefk ad nettkel fell-asen deg unrar n twennaḍt », am wakken ay d-terna dakken « yessefk ad asen-tettunefk tlemmiẓt akken ad adfen ɣer umaḍal n wallus n useqdec d usuteg n tursaḍ ».

Massa Benharrats twekked-d dakken timẓermisin d yilemẓiyen yesɛan isenfaren zemren ad d-rnun azal yernan i tdamsa taɣelnawt ladɣa imi ay sɛan aṭas n yisenfaren d tektiwin ay zemren ad tent-id-sseḍrun deg unrar.

Deg wammas n umḍal atwilan n Ḥasi Bunif, tcar-d tneɣlaft ammad n ucbar wis kraḍ n wammas-a ara yesneqsen taɛkemt ɣef sin-nni n yicbaren yellan ya din. I lmend n waya, tenna-d tneɣlaft daken yessefk ad d-tettwasseɣnew tẓeḍḍawt n temẓermisin s tektiwin tisfaranin akken ad d-lhunt s ufran n tursaḍ, amesni-nsent ɣer wammasen n umḍal atwilan d wallus n useqdec n tursaḍ-a.

Ɣef wakken ay as-d-ssegzan i tneɣlaft, acbar amaynu n wammas-a n umḍal atwilan ad yesɛu akettur ayalas n 2 n yimelyunen n yimitren igasasen n tursaḍ yernu ad yettwamed 6 n yiseggasen.

 

Last modified on Laṛebɛa, 14 Tubeṛ 2020 09:16
Yessefk usedrew n temẓermisin deg wallus n useqdec n tursaḍ
  Yeffeɣ-d ass n : Ttlata, 13 Tubeṛ 2020 11:58     Taggayt : TADAMSA     Ɣran-t : 9 n tikkal   Bḍu