Menu principal

Menu principal

Asaḍuf n tedrimt n 2021: Akaten i ubaɣur n uṛmas d usiǧew

Yeffeɣ-d ass n : Letniyen, 12 Tubeṛ 2020 08:34   Ɣran-t : 10 n tikkal
Asaḍuf n tedrimt n 2021: Akaten i ubaɣur n uṛmas d usiǧew

LEZZAYER TAMANEƔT – Adatsenfar n usaḍuf n tedrimt i useggas n 2021 d win ay yessefran mennaw n wakaten inewsiyen i ubaɣur n yiṛemmasen ilemẓiyen d yimsiǧwen, ula ma tagnit tadrimant n tmurt attan tewɛeṛ ladɣa ɣef lǧal n uzraɛ n tkaɣreft n unfafad bu uqacuc d yinalkamen-nnes idamsanen.

Aḍris-a yessumer-d asenfu n teṛmisin yesɛan azwel n « teṛmist n tesnatwilt tamaynut » seg tẓeṭṭaḍt ɣef urmud amsadur d tewsi ɣef yibaɣuren n teṛmisin i tallit n sin n yiseggasen seg wass aydeg ara d-tawint teṛmisin-a azwel-nsent.

Isgulaf ara d-sɣent teṛmisin-a yernu yettekka srid deg yisenfaren-nsent n usefti ad yettwassenfu seg tẓeṭṭaḍt n wazal yernan yernu ad xellṣen kan fell-as 5% seg tewsiwin n tedwant.

Ma d tiṛmisin yesɛan azwel n « tmesdalt », ad ttwassenfunt seg tẓeṭṭaḍt n urmud amsadur, tiwsi ɣef yibaɣuren n teṛmisin d tewri ɣef umaduf amakki i tallit n sin n yiseggasen seg wass aydeg ara asent-d-yettunefk uzwel-nsent. Isgulaf-nsent ara yettekkin srid deg useḍru n yisenfaren-nsent n usefti ad ttwassenfun seg tẓeṭṭaḍt n wazal yernan mi ara d-ttwasɣen.

Adatsenfar n usaḍuf n tedrimt yessumer-d daɣ asenqes n tewsi ɣef yibaɣuren n teṛmisin i tallit n 5 n yiseggasen i lfayda n teṛmisin yesɛan tafulin tinumanin deg Taggazt seg 1 Yennayer 2021 d asawen. Asenqes-a ad d-yili ɣef leḥsab n uktamur n urẓam n yihri n teṛmist deg taggazt.

Akat-a yettwasnes ya gar 2014 d 2018 yernu iswi-nnes agejdan d asebɣes n teṛmisin akken ad sqedcent ulzuz adriman akken ad d-awint asidrem.

 

 

Asaḍuf n tedrimt n 2021: Akaten i ubaɣur n uṛmas d usiǧew
  Yeffeɣ-d ass n : Letniyen, 12 Tubeṛ 2020 08:34     Taggayt : TADAMSA     Ɣran-t : 10 n tikkal   Bḍu