Menu principal

Menu principal

Takerrazt: Akaten n usifses i userbeḥ n tḥemla takerrazant n wussan-a

Yeffeɣ-d ass n : Lḥedd, 11 Tubeṛ 2020 13:47   Ɣran-t : 14 n tikkal
Takerrazt: Akaten n usifses i userbeḥ n tḥemla takerrazant n wussan-a

LEZZAYER TAMANEƔT – Yenna-d uneɣlaf n tkerrazt, Abdelhamid Hemdani, dakken ttwaddmen wakaten n usifses i lfayda n yimkerrazen d yimgermanen n wakk ifurka n tkerrazt i lmend n userbeḥ n tḥemla takerrazant d-yettilin ussan-a.

Akaten-a rzan ladɣa asifses i usuter n usmad n « RFIG » d tukksa n wunjugen ibiruqraṭiyen yellan deg ubrid n yisenfaren n usefti deg tkerrazt d wakaten n i lmend n usejhed n ussway assmadan d usnas n usaḍuf yerzan akal akerrazan ur yettwamden.

Deg wawal-nnes deg yiwet n temlilit n usemyuddes d yikataren i uḍfar n usekmem n wahilen yemgerraden iderwen deg tferkit n ubrid n ugzum n tkerrazt n 2020-2024, ixebber-d uneɣlaf dakken agzum-a yenqes umaduf-nnes deg tḥemla takerrazant n 2019-2020 ɣef leḥsab n tḥemla yezrin, dɣa ɣef waya ay yessefk ad ttwaslekment tsekkirin d-yettwaheyyan i lmend n uselhu n umaduf aseggas-a.

Seg yidis niḍen, Mass Hemdani yenna-d dakken ixuṣṣ usemyuddes gar tedbelt talemmast n ugzum n tkerrazt d tmehliwin-nnes deg twilayin yemgerraden, am wakken ay ixuṣṣ daɣ usemyuddes gar tmehliwin-a d tdeblin tidiganin niḍen ay tkerza tkerrazt, am wakken ay d-yerna dakken tagnit-a tergel abrid i uselkem n wahilen ay d-yettwaheyyan.

 

Last modified on Letniyen, 12 Tubeṛ 2020 08:58
Takerrazt: Akaten n usifses i userbeḥ n tḥemla takerrazant n wussan-a
  Yeffeɣ-d ass n : Lḥedd, 11 Tubeṛ 2020 13:47     Taggayt : TADAMSA     Ɣran-t : 14 n tikkal   Bḍu