Menu principal

Menu principal

Askurrez n yimendiyen: Hemdani iger-d tiɣri i tukksa n wakk unjugen idrimanen

Yeffeɣ-d ass n : Lḥedd, 27 Ctembeṛ 2020 12:16   Ɣran-t : 12 n tikkal
Askurrez n yimendiyen: Hemdani iger-d tiɣri i tukksa n wakk unjugen idrimanen

LEZZAYER TAMANEƔT – Iger-d tiɣri uneɣlaf n tkerrazt, Abdelhamid Hemdani, i Tbanka n Tkerrazt d Usnegmu Awmazir akken ad tekkes akk ungen idrimanen ay yersen deg ubrid n usefti deg uskurrez n yimendiyen, ladɣa uguren ideblanen, ɣef wakken ay d-yenna yiwen n ulɣu n uɣlif.

Deg yiwet n temlilit n umahil d uselway-anemhal amatu n Tbanka n Tkerrazt d Usnegmu Awmazir ay d-yellan ɣef yiɣeblan n yimkerrazen deg wayen yerzan asidrem, yebder-d Mass Hemdani dakken tibankiwin ssuturent-d aṭas n teftarin yeqqnen ɣer tedrimt d usenkid akken ad reḍlent idrimen i yimkerrazen n yimendiyen, ɣef wakken ay d-yenna ulɣu-a.

S waya, yumeṛ Mass Hemdani tukksa n wakk ikmaren-a ay d-yellan d unjug deg ubrid n uskurrez n yimendiyen yernu iger-d tiɣri i tbanka-a takerrazant akken ad tessenqes amenḍar n usekker n ukaram yernu ad tessifses akaram adeblan deg tallit n tkerza neɣ n tmegra.

Deg tgara n umyager-a, aydge yedrew unemhal amatu n Usira Azzayri Agersadur n Yimendiyen, imaslaḍen n Useqqamu Aɣelnaw Agersadur n Ufurk n Yimediyen d yikataren ilemmasen deg tesɣimt n uɣlif, yenmeqqen unemhal-aselway amatu n Tbanka n Tkerrazt d Usnegmu Awmazir akken ad d-yelhu s temsalt-a war leɛḍil.

 

 

Askurrez n yimendiyen: Hemdani iger-d tiɣri i tukksa n wakk unjugen idrimanen
  Yeffeɣ-d ass n : Lḥedd, 27 Ctembeṛ 2020 12:16     Taggayt : TADAMSA     Ɣran-t : 12 n tikkal   Bḍu