Menu principal

Menu principal

Agraw Aɣerfan Aɣelnaw yesmemmi, s unemzel, amtawa n useɣnew n Wasun Afriqi n Umsenfal Ilelli

Yeffeɣ-d ass n : Ljemɛa, 25 Ctembeṛ 2020 09:45   Ɣran-t : 21 n tikkal
Agraw Aɣerfan Aɣelnaw yesmemmi, s unemzel, amtawa n useɣnew n Wasun Afriqi n Umsenfal Ilelli

LEZZAYER TAMANEƔT – Smemmin yimaslaḍen n Ugraw Aɣerfan Aɣelnaw, ass n ukwas, s unemzel, asenfar n usaḍuf yerzan asɛeddi n umtawa n useɣnew n Wasun Amenẓawan Afriqi n Umsenfal Ilelli ay yettwazemlen ass n 21 Meɣres 2018 deg Kigali (Rwanda). Adɣar-a yella-d deg tɣimit tačuṛant ay yesselwi uselway n Ugraw Aɣerfan Aɣelnaw, Slimane Chenine, s uḥdaṛ n tneɣlaft n wassaɣen d umni, Basma Azouar.

Deffir udɣar-a, iwekked-d uneɣlaf n tnezzut dakken altaɣ n Lezzayer ɣer wasun-a ad tt-yeǧǧ ad d-tesfaydi seg unezmar d tlemmiẓin yellan deg umenẓaw afriqi.

Nnig waya, deg ukatar n wasun-a, ad neqsent tẓeṭṭaḍin n tedwant s 90% yernu ad d-yili waya cwiṭ, cwiṭ, deg tallit n 5 n yiseggasen i tmura yettnegmun, am wakken ara neqsent s 10% deg tmura tifriqyin ur yennegman ara aṭas. Ad d-yebdu waya seg Yennayer n 2021. 10% n tẓeṭṭaḍin tidwananin ara d-yeqqimen d tid yerzan ifarisen inafriyen.

Ɣef leḥsab n uneɣlaf, amur ameqqran seg yimsenfalen ara teg Lezzayer deg ukatar n wasun-a ad d-yili d tmura n Tefriqt n Ugafa yellan d aḥric, daɣ, seg Wasun Aɛṛab n Umsenfal Ilelli.

 

Last modified on Lḥedd, 27 Ctembeṛ 2020 12:18
Agraw Aɣerfan Aɣelnaw yesmemmi, s unemzel, amtawa n useɣnew n Wasun Afriqi n Umsenfal Ilelli
  Yeffeɣ-d ass n : Ljemɛa, 25 Ctembeṛ 2020 09:45     Taggayt : TADAMSA     Ɣran-t : 21 n tikkal   Bḍu