Menu principal

Menu principal

Sonelgaz: Anermis usrid d yimseftiyen i uḍman n yimeẓla n tɣara

Yeffeɣ-d ass n : Lexmis, 24 Ctembeṛ 2020 12:27   Ɣran-t : 27 n tikkal
Sonelgaz: Anermis usrid d yimseftiyen i uḍman n yimeẓla n tɣara

ǦELFA – Iwekked-d uselway-anemhal amatu n tegrawt n Sonelgaz, Chahar Boulakhras, ass n ukras deg Ǧelfa, dakken taṛmist-nnes tesmemmi, deg ukatar n usetrer n yimeẓla-nnes, tasemyaddest tamaynut aydeg ara d-yili unermis d usrid d yimguranen d yimseftiyen akken ad asen-d-ssisen imeẓla iẓewranen n tɣara.

Aselway-anemhal amatu n Sonelhaz, ay yellan yessefqad yiwet n tyunt tamgurant tusligt n ufares n yiferki uɣusan deg wasun n urmud n Ɛin Wessara (100 n yikilumitren deg ugafa n Ǧelfa), yenna-d dakken wa d « amedya amuddir n tesnuddest n teṛmist (n Sonelgaz) deg tmunit yezgan n yimseftiyen akken ad asen-d-tessis taẓwert (urrig d tetrist) ladɣa imi ay tesɛa tixxutert d tameqqrant deg tẓeḍḍawt tamgurant ».

« Ad nkemmel tuɣdaḍt-nneɣ tagejdant i tuqqna ɣer yiẓeḍwa n tetrist d wurrig », ɣef wakken ay d-yerna, « d acu kan, nessefray daɣ ad d-nesseɣnew ansa n ujenyuṛ n temhal tinezzanin deg tneggiwin tinezzanin yernu tuɣdaḍt-nnes d tamunit n yimseftiyen mi ara d-fken ikaramen ayyes ara ssutren taẓwert (tatrist d wurrig) », ɣef wakken ay d-ixebber.

Mass Boulakhras yessegza-d, seg yidis niḍen, dakken anermis-a usrid d yimguranen « d win ara yeǧǧen taṛmist ad teg tagermant mer ad tegzem teẓwert ».

« Tamhelt-a d tin ara nernu ɣer yifecka niḍen n usetrer ay teḍfer Sonelgaz, gar-asen asemḍen d yimeẓla inemgagen », ɣef wakken ay d-yenna.

 

Last modified on Ljemɛa, 25 Ctembeṛ 2020 09:47
Sonelgaz: Anermis usrid d yimseftiyen i uḍman n yimeẓla n tɣara
  Yeffeɣ-d ass n : Lexmis, 24 Ctembeṛ 2020 12:27     Taggayt : TADAMSA     Ɣran-t : 27 n tikkal   Bḍu