Menu principal

Menu principal

Aman: Tasmilt i usnegmu n teẓwert d-yetteqqalen i useddu n yisgulaf yettetten aṭas n teẓwert

Yeffeɣ-d ass n : Ttlata, 22 Ctembeṛ 2020 12:06   Ɣran-t : 17 n tikkal
Aman: Tasmilt i usnegmu n teẓwert d-yetteqqalen i useddu n yisgulaf yettetten aṭas n teẓwert

LEZZAYER TAMANEƔT – Ur ttɛeḍḍilen ara ad d-gen yiwet n tesmilt i unadi n wamek ara sneqsen asuder n teẓwert deg yisgulaf imeswiyen yettetten aṭas n teẓwert, ɣef wakken ay d-yenna, ass n uynas deg Lezzayer Tamaneɣt, uɣlif n teɣbula n waman, Arezki Berraki.

Deg yiwen n umyager d tɣemsa, deg yijifeṛ n yiwet n temliklit d uneɣlaf n tukkit taẓewrant d teẓwar d-yetteqqalen, Chems Eddine Chitour, s tihawt n yikataren n sin-a n yigzumen d yigensasen n Sonelgaz, ixebber-d Mass Berraki dakken ur ttɛeḍḍilen ara ad d-gen tasmilt i uktazel n wammaken ara yettwasqedcen i usenqes n usuder n teẓwert d usmal n teẓwert d-yetteqqalen deg yisgulaf imeswiyen.

Ɣef leḥsab n uneɣlaf, yessefk daɣ ad asen-alsen i kra n yisgulaf n ufares amnetrisan ay ibedden.

« Nesɛa asgalef amnetrisan ibedden ay yessefk ad t-id-nerr ɣer unrar », ɣef wakken ay d-yenna.

Isgulaf n usekki n waman d wuggugen ssuduren aṭas n teẓwert yernu i lmend n waya « nemsegza akken ad d-nheyyi aɣawas n umahil i ucegger n tmellilt taẓewrant d usenqes n yiṣerrifen n teṛmisin ay d-yelhan s tdumṣukin-a », ɣef wakken ay d-yenna Mass Berraki.

Ma d Mass Chitour ixebber-d dakken iswi n usenfar-a d aktazel n unezmar yellan deg wayen yerzan afares n teẓwar d-yetteqqalen deg unrar-a yernu i lmend n waya, yessefk ad d-sduqqsen tiɣsar timnestrisanin timecṭuḥin.

 

 

Last modified on Laṛebɛa, 23 Ctembeṛ 2020 09:54
Aman: Tasmilt i usnegmu n teẓwert d-yetteqqalen i useddu n yisgulaf yettetten aṭas n teẓwert
  Yeffeɣ-d ass n : Ttlata, 22 Ctembeṛ 2020 12:06     Taggayt : TADAMSA     Ɣran-t : 17 n tikkal   Bḍu