Menu principal

Menu principal

Tebboune: Lezzayer tetteddu ɣer tdamsa tumḍint

Yeffeɣ-d ass n : Letniyen, 21 Ctembeṛ 2020 11:00   Ɣran-t : 30 n tikkal
Tebboune: Lezzayer tetteddu ɣer tdamsa tumḍint

LEZZAYER TAMANEƔT – Iwekked-d uselway n tegduda, Abdelmadjid Tebboune, dakken ad yili d aquran deg wayen yerzan ugur n ugzam n Internet ay d-yellan, seg melmi kan, deg tmurt, am wakken ay d-yerna dakken Lezzayer tetteddu ɣer tdamsa tumḍint yernu ur tzemmer ara ad tkemmel deg ubrid-a ma yella ixuṣṣ uktum.

« Llan wuguren ay yessefk ad ten-nqabel, aya d tamasit-nneɣ. Ẓriɣ dakken ur fessus ara yiniḍi, maca uguren ad frun cwiṭ, cwiṭ », ɣef wakken ay d-yenna uselway Tebboune deg umyager ay iga d yimasayen n yimidyaten iɣelnawen ay d-iɛeddan ass n usamas tameddit.

« Neqqel ɣer deffir deg mennaw n tɣula yernu ugur n uktum n Internet d ttbehdila », ɣef wakken ay d-yenna uselway ay d-yernan dakken « tamurt tetteddu ɣer tdamsa tumḍint, tanezzut taliktṛunant d uxelleṣ aliktṛunan, yernu aya ur yetteddu ara akken iwata war aktum n Internet ara yilin yejhed yernu d amellil ».

Aselway n tegduda yewɛed, i lmend n waya, akken ad yili d aquran deg wayen yerzan taratin-a, am wakken ay d-iger tiɣri i uferru n wugur n ugzam n Internet ladɣa deg tnariyin n tnazent d temṣukin tinagdudin ayɣef d-rezzun yiɣermanen.

 

Tebboune: Lezzayer tetteddu ɣer tdamsa tumḍint
  Yeffeɣ-d ass n : Letniyen, 21 Ctembeṛ 2020 11:00     Taggayt : TADAMSA     Ɣran-t : 30 n tikkal   Bḍu