Menu principal

Menu principal

Asaḍuf n tedrimt n 2021: Adhal i teṛmisin ay iḥuza waḍḍan n unfafad bu uqacuc

Yeffeɣ-d ass n : Letniyen, 21 Ctembeṛ 2020 08:10   Ɣran-t : 26 n tikkal
Asaḍuf n tedrimt n 2021: Adhal i teṛmisin ay iḥuza waḍḍan n unfafad bu uqacuc

LEZZAYER TAMANEƔT – Iwekked-d uselway n tegduda, Mass Abdelmadjid Tebboune, ass n usamas tameddit deg Lezzayer Tamaneɣt, dakken asaḍuf n tedrimt n 2021 ad d-yefk akk ifatusen yerzan adhal adriman n uwanak i teṛmisin tidamsanin ay tḥuza tkaɣreft n unfafad bu uqacuc n Covid-19.

Mass Tebboune iwekked-d, deg umyager-nnes awalan d yimasayen n yimidyaten iɣelnawen, dakken awanak ad yemhes tiṛmisin tidamsanin ay tḥuza tkaɣreft-a, am wakken ay d-iwekked dakken yessefk ad ttwammestnent tbankiwin s usaḍuf akken ad urarent tamlilt-nsent deg unrar-a.

Aɣella n uwanak iwekked-d daɣ dakken « asaḍuf n tedrimt i 2021 ad d-yegguccel akk idisan-a » am wakken ay d-yerna dakken « timsal tidrimanin yessefk ad d-ttwagucclent yernu ad ttwabaḍent s usantim ».

I lmend n waya, yenna-d uselway Tebboune dakken « ur yessefk ara ad d-gent teṛmisin tidamsanin tisguriyin d tikellaxin » ɣef yixeṣṣarne ay ten-iḥuzan akken ad d-sfaydint seg umhas.

Seg tama niḍen, yesmekti-d s wakaten ay yeddem uwanak akken ad yemhes tiṛmisin ay tḥuza tkaɣreft n unfafad bu uqacuc, gar-asent asenqes deg tewsi, acegger n yimenḍaren-nsent d usewjed n yireḍḍalen ibankanen war tanafut i lfayda n teṛmisin-a.

 

Asaḍuf n tedrimt n 2021: Adhal i teṛmisin ay iḥuza waḍḍan n unfafad bu uqacuc
  Yeffeɣ-d ass n : Letniyen, 21 Ctembeṛ 2020 08:10     Taggayt : TADAMSA     Ɣran-t : 26 n tikkal   Bḍu