Menu principal

Menu principal

Tiɣbula n waman: Yessefk ad d-yili umennuɣ mgal tbiruqraṭit

Yeffeɣ-d ass n : Lḥedd, 20 Ctembeṛ 2020 08:58   Ɣran-t : 63 n tikkal
Tiɣbula n waman: Yessefk ad d-yili umennuɣ mgal tbiruqraṭit

LEZZAYER TAMANEƔT – Yenna-d uneɣlaf n teɣbula n waman, Arezki Berraki, ass n usiḍyas deg Lezzayer Tamaneɣt, dakken ikataren n ugzum-a yessefk ad ḍemnen tiffrawent deg usefrek n wulzuzen inagduden yernu ad nnaɣen mgal tbiruqraṭit, am wakken ay yessefk ad fken tameẓẓuɣt i yiɣeblan n yiɣermanen.

Deg yiwen n umyager ay d-yellan i lmend n usdabu n 26 n yinemhalen n tyunin yeqqnen ɣer Tzzayrit n Waman, yernu d amyager aydeg ḥedṛen yinemhalen n tyunin d yinemhalen ilemmasen d wid n twilayin, iḥettet-d Mass Berraki ɣef usnas n « wakaten d uɣtisen » i uḥezzeb mgal ustehzi. Tirza n uswaḍ kecfent-d lexṣaṣ ɣef lǧal n usefrek n diri yernu yessefk ad d-yili umahil i lmend n uselhu n waya, ɣef wakken ay d-yerna.

Yenna-d Mass Berraki dakken asefrek n ugzum n waman ama deg uswir adigan, ama deg uswir alemmas, ur izad wara, yernu yella-d waya ɣef lǧal n ustehzi ay d-yekkan sɣur kra n yimasayen d termasit n kra n yimasayen niḍen.

Nnig waya, iswi ay iḥukeṛ ugzum n teɣbula n waman ur t-yewwiḍ ara yernu yessefk ad ttwasseɣtint kra n tuccḍiwin ayɣef d-xebbren yiɣermanen deg mennaw n temnaḍin, ladɣa timnaḍin tuggigin.

Ɣef leḥsab n uneɣlaf, tirza n uswaḍ kecfent-d daɣ dakken yella-d kra n ustehzi deg usedger n waman yernu aya d amaglay yernu yeswaɣ taɣdemt tanmettit d yizerfan n yiɣermanen.

 

Last modified on Letniyen, 21 Ctembeṛ 2020 11:02
Tiɣbula n waman: Yessefk ad d-yili umennuɣ mgal tbiruqraṭit
  Yeffeɣ-d ass n : Lḥedd, 20 Ctembeṛ 2020 08:58     Taggayt : TADAMSA     Ɣran-t : 63 n tikkal   Bḍu