Menu principal

Menu principal

Urrigen isnajyanen: Imsemhal wejden ad myallen akken ad qablen asuter

Yeffeɣ-d ass n : Lexmis, 09 Yulyu 2020 13:30   Ɣran-t : 0 n tikkal
Urrigen isnajyanen: Imsemhal wejden ad myallen akken ad qablen asuter

LEZZAYER TAMANEƔT – Kraḍt-nni n teṛmisin ay d-yettfarasen urrigen isnajyanen deg Lezzayer wejdent akken ad myallent akken ad d-farsent yernu ad sdegrent ifarisen-nsent i lmend n uqabel n usuter irennun ay d-yekkan seg yiɣsuren n tdawsa, ladɣa deg wayen yerzan uksijin, ɣef wakken ay d-yenna, ass n ukras, yiwen n ulɣu n uɣlif n temguri tawsafart.

« Ɣef lǧal n tezɣent tadawsant yellan deg tmurt, tella-d temilit gar yinfarasen idiganen n wurrigen isnajyanen Linde Gaz, Sidal (yettwassnen zik s yisem n Air Liquide) d Calgaz Algerie akked uneɣlaf n temguri tawsafart, Aduktur Lotfi Benbahmed, deg Lezzayer Tamaneɣt », ɣef wakken ay d-yenna ulɣu-a.

Iswi n temlilit-a d « tamussni n yiketturen n yal amsemhel akken ad iqabel asuter d-yekkan sɣur yiɣsuren n tdawsa, ladɣa deg wayen yerzan uksijin amengan neɣ deg tbeṭṭiwt ».

I lmend n wyaa, iban-d dakken Linde Gaz tezmer ad d-tfares 150.000 n yilitren n wuksijin, ma d Sidal, tezmer ad d-tfares 20.000 n yilitren deg wass, yernu d nitenti ay yessedgaren ifarisen-nsent ɣef yiɣsuren n tdawsa. Msegzant snat-a n teṛmisin akken ad sdukklent iketturen-nsent n ufares d usedger deg wussan ay d-yetteddun s umyalel d teṛmist n Calgaz Algerie.

Taṛmist n Calgaz Algerie tennulfa-d seg melmi kan yernu werɛad ur tesɛi ara agatu n usedger d yisegnafen, d acu kan, tesɛa akettur n ufares n 150.000 n yilitren deg wass deg snat n tneɣrafin-nnes yellan deg Waregla d Leɣwaṭ, am wakken ay tesɛa akettur n usmidel n 500.000 n yilitren.

 

 

Last modified on Lḥedd, 12 Yulyu 2020 16:06
Urrigen isnajyanen: Imsemhal wejden ad myallen akken ad qablen asuter
  Yeffeɣ-d ass n : Lexmis, 09 Yulyu 2020 13:30     Taggayt : TADAMSA     Ɣran-t : 0 n tikkal   Bḍu