Menu principal

Menu principal

Hack Algerian PostCovid-19: Ttwafernen-d 20 n yimawlan n yisenfaren isfranen

Yeffeɣ-d ass n : Laṛebɛa, 08 Yulyu 2020 13:33   Ɣran-t : 0 n tikkal
Hack Algerian PostCovid-19: Ttwafernen-d 20 n yimawlan n yisenfaren isfranen

LEZZAYER TAMANEƔT – Yenna-d Unmager n Yiɣellaten n Teṛmisin, ass n usinas, deg yiwen n ulɣu, dakken yefren-d 20 n wid irebḥen deg teẓrigt tamezwarut n umsazwar n Hack Algeria PostCovid-19, d amsazwar asnatwilan ay ssuddsen akken ad d-fernen isenfaren umḍinen isfaranen imuyafen ara yettekkin deg umennuɣ mgal tkaɣreft n unfafad bu uqacuc.  

Deg tgara n tyaka-a ay d-yellan gar 1 d 3 Yulyu, d tin aydeg ttekkan 171 n yisenfaren, 20 ay d-tefren tesmilt n yimgillan ɣef leḥsab n yisefran ay d-ttwaheyyan seg tazwara.

Gar 171 n yisenfaren ay d-yettwassumren, 63 rzan tadawsa, 47 rzan timetti, 30 rzan tadamsa, 19 rzan tanbaḍt, ma d 12 rzan tadrimt.

Amsazwara yella-d s lekmal-nnes deg Internet yernu ssuddsen-t ɣef 5 n yisguren igejdanen: umḍin i lfayda n tdawsa d usefrek adawsan deffir tezɣent n unfafad bu uqacuc, umḍin i tenbaḍt yelhan d tenbaḍt yebnan ɣef yisefka, umḍin d tmetti deffir tezɣent n unfafad bu uqacuc, umḍin d tdamsa n tezɣent akked wumḍin d tedrimt.

Seg wasmi ay caren amsazwar-a deg 17 Mayu yezrin armi d asmi ay ifuk usiggez deg 30 Yunyu, taseqqimt n usuddes teṭṭef-d 350 n tektiwin ay d-yekkan sɣur 1500 n yimttekkiyen seg 48 n twilayin n tmurt. Ugar n 50% seg yimttekkiyen d imezrawen, am wakken daɣ 30% seg yimttekkiyen d tisednan, ɣef wakken ay d-yenna Unmager n Yiɣellaten n Teṛmisin.

« Ula ma tamurt attan deg tegnit tadawsant iweɛṛen ɣef lǧal n tkaɣreft n unfafad bu uqacuc, nessaweḍ ad nqabel acqirrew ddukli. Rrbeḥ-a yella-d daɣ s usebges ujhid d uneffig n yisdawanen-nneɣ ilemẓiyen d yimawlan n tektiwin ay yumnen s usenfar-nneɣ, ṣṣfa d unmeqqen-nneɣ i walluy n yisenfaren isnatwilanen isfaranen ara d-yawin tifratin i wuguren-nneɣ n tmeddurt n yal ass deg yigzumen yemgerraden », ɣef wakken ay d-yenna unmager.

 

Last modified on Lexmis, 09 Yulyu 2020 13:32
Hack Algerian PostCovid-19: Ttwafernen-d 20 n yimawlan n yisenfaren isfranen
  Yeffeɣ-d ass n : Laṛebɛa, 08 Yulyu 2020 13:33     Taggayt : TADAMSA     Ɣran-t : 0 n tikkal   Bḍu