Menu principal

Menu principal

Aseṛced n yiṣerrifen n Sonatrach: « Uksiben n yimahalen ur ten-terzi ara temsalt »

Yeffeɣ-d ass n : Ljemɛa, 03 Yulyu 2020 16:22   Ɣran-t : 0 n tikkal
Aseṛced n yiṣerrifen n Sonatrach: « Uksiben n yimahalen ur ten-terzi ara temsalt »

WEHṚAN – Yules iwekked-d, ass n ukwas deg Wehṛan, unmazul n uselway n urmud n usmengi/abeḍḍu deg Sonatrach, Nasreddine Fatouhi, dakken uksiben n yimahalen deg teṛmist-a ur ten-terzi ara temsalt n useṛced n yiṣerrifen ay d-yettwaḥettmen ɣef lǧal n tkaɣreft n unfafad bu uqacuc.

Akatar n umahil, uksimen n yimahalen, amḍan n yimahalen d tlawiyin ad qqimen akk akken llan, ɣef wakken ay d-yenna Mass Fatouhi deg yiwet n tseɣrut i Tnegga n Yisalan n Lezzayer deg yijifeṛ n tfugla ay d-yellan d tajmilt i yiwet n tegrawt n yimahalen d yikataren imingen n teṛmist-a.

« Ɣef leḥsab n Sonatrach, igmaḍ n useggas n 2019 llan-d d isedwaten », ɣef wakken ay d-yenna, d acu kan, yerna-d dakken aseggas n 2020 yusa-d yewɛeṛ aṭas ɣef wakk tiṛmisin n ugzum n teẓwert.

« Anqas n watigen d usuter deg umaḍal ɣef lǧal n unfafad bu uqacuc yegla-d s tusut n diri ɣef umaduf n Sonatrach, yernu ɣef waya ay tules aseqɛed n yimaruden-nnes yernu tessenqes-iten akken ad ten-tesseṛced am wakken ay nefka tuzwirt i unegmu », ɣef wakken ay d-yessegza Mass Fatouhi.

S waya, yenna-d dakken asenfar n tmellilt deg usefrek n umarud ay d-theyya Sonatrach iswi-nnes d asenqes n umarud n wammad s 30% seg-a ɣer 31 Dujembeṛ 2020.

 

Last modified on Lḥedd, 05 Yulyu 2020 13:12
Aseṛced n yiṣerrifen n Sonatrach: « Uksiben n yimahalen ur ten-terzi ara temsalt »
  Yeffeɣ-d ass n : Ljemɛa, 03 Yulyu 2020 16:22     Taggayt : TADAMSA     Ɣran-t : 0 n tikkal   Bḍu