Menu principal

Menu principal

Aman n tissit: Ttunefkent lewṣayat d tumqitin i uḍman n usedger n waman deg unebdu

Yeffeɣ-d ass n : Lexmis, 02 Yulyu 2020 09:33   Ɣran-t : 0 n tikkal
Aman n tissit: Ttunefkent lewṣayat d tumqitin i uḍman n usedger n waman deg unebdu

LEZZAYER TAMANEƔT – Yefka lewṣaya Abdelaziz Djerad, ass n ukras, mi yesselwi timlilit n unabaḍ, akken ad yettwaḍmen usedger n waman n tissit i tɣerfa deg unebdu yernu deg tallit-a n tezɣent tadawsant.

Deffir ma yessefled i uneskin n uneɣlaf n teɣbula n waman ɣef tegnit n usedger n waman n tissit d wakaten yettwaddmen i unebdu-a, yesmekti-d Mass Djerrad dakken aḍman imezgi n waman deg wakk tiɣiwanin n tmurt yessefk ad yili d aɣbel agejdan n ugzum n teɣbula n waman, iduba idiganen d yiɣsuren d-yelhan s wammad d usefrek n waman.

I lmend n waya, ttunefkent lewṣayat d tumqitin i uḍman n usedger n waman i yimezdaɣen d useḥbuber ɣef tigawin tutribin ɣef wakken ay d-yenna ulɣu n yimeẓla n uneɣlaf amenzu.

I lmend n waya, ad sjehden ametwi ay d-gan i lmend n usedger n waman d ubdad i wakk iɣeblan ay sɛan yiɣermanen deg wayen yerzan aman.

Ametwi-a d win daɣ umi ara d-rnun iɣawasen n uɛawez d tgermant deg yal taɣiwant i lmend n uferru n wuguren yeqqnen ɣer ugzam n waman n tissit, yernu, i lmend n waya, zemren ad ssiwḍen ula d tinuṭfiwin n waman ɣer temnaḍin aydeg gezmen.

Ametwi-a ad d-iḥaz daɣ asejhed d usɣelles n yisgulaf d tsersiyin timeqranin n waman yellan d ammak agejdan i usedger n waman n tissit, ɣef wakken ay d-yenna ulɣu-a.

 

Last modified on Ljemɛa, 03 Yulyu 2020 16:27
Aman n tissit: Ttunefkent lewṣayat d tumqitin i uḍman n usedger n waman deg unebdu
  Yeffeɣ-d ass n : Lexmis, 02 Yulyu 2020 09:33     Taggayt : TADAMSA     Ɣran-t : 0 n tikkal   Bḍu