Menu principal

Menu principal

Acuffu : D atug aseggasan n 1,9% ɣer taggara n mayyu

Yeffeɣ-d ass n : Letniyen, 29 Yunyu 2020 18:44   Ɣran-t : 0 n tikkal
Acuffu : D atug aseggasan n 1,9% ɣer taggara n mayyu

LEZZAYER  TAMANEƔT – Atug n ucuffu alemmas aseggasan deg Lezzayer yewweḍ ar 1,9% ɣer taggara n wayyur n mayyu-a aneggaru, i d-yenna Usira aɣelnaw n usiḍen (ONS).

Amhaz n watigen n tgella deg wanya aseggasan ar mayyu 2020, yellan d atug n ucuffu alemmas aseggasan ssiḍnen-t s usekcem n 12 n wayyuren, truḥ seg wayyur n yunyu 2019 ar mayyu 2020 s wassaɣ ɣer twala iruḥen seg yunyu 2018 ar mayyu 2019.

Asmeskel ayyuran n watigen n wučči, yellan d amhaz n watig n wayyur n mayyu 2020 s wassaɣ ɣer win n wayyur n yebrir 2020, yennerna s wazal n 1,0%, i d-yenna Usira.

Deg wayen yerzan smeskel ayyuran akked s taggayin n yifarisen, atig n yifarisen n wučči snazlen-d yiwen n unerni n 2,1%, s walluy n wazal n 4% n yifarisen n tkerrazt. Alluy-a n yifarisen n tkerrazt yekka-d, deg waṭas n tikkal, seg walluy n watigen n uksum n uyaziḍ (+33,7%), tibaṭaṭatin (23,6) akked yigumma izegzawen s 6,2%.

Seg yidis-iḍen, yezmel Usira, isidren n watig iḥuzan kra n yifarisen, ladɣa timellalin (-8,8%) akked yizegzawen s (-0,1%).

Ma d ifarisen n wučči imguranen, atigen-nsen nnernan anerni amcṭuḥ s 0,2% deg wayyur n mayyu-a aneggaru akked s wassaɣ ɣer wayyur n 2020, ɣef wakken i d-tenna tuddsa n usiḍen. Atigen n yifarisen n walzaz nnernan s 0,2%, ma d wid n yimeẓla sebken akka cwiṭ.

Acuffu : D atug aseggasan n 1,9% ɣer taggara n mayyu
  Yeffeɣ-d ass n : Letniyen, 29 Yunyu 2020 18:44     Taggayt : TADAMSA     Ɣran-t : 0 n tikkal   Bḍu