Menu principal

Menu principal

Asenfar n usaḍuf assmadan n tedrimt n 2020 yettwasmemmi deg Ugraw Aɣerfan Aɣelnaw

Yeffeɣ-d ass n : Letniyen, 01 Yunyu 2020 11:54   Ɣran-t : 32 n tikkal
Asenfar n usaḍuf assmadan n tedrimt n 2020 yettwasmemmi deg Ugraw Aɣerfan Aɣelnaw

LEZZAYER TAMANEƔT – Smemmin yimazanen n Ugraw Aɣerfan Aɣelnaw, ass n usamas, s tegti, asenfar n usaḍuf assmadan n tedrimt n 2020 deg yiwet n tɣimit tačuṛant ay yesselwi Slimane Chenine, aselway n ugraw, s uḥdaṛ n kra n yimaslaḍen n unabaḍ.

Imazanen n Temsisit n Umussu n Tmetti i Talwit d wid n Temsisit n Nahda-Adala-Bina deɣren mgal usaḍuf-a, ma d ikabaren isertanen niḍen ay yettekkan deg tɣimit-a n udɣar sɛeddan aḍris-a.

Asenfar n usaḍuf assmadan n tedrimt yessefray asenqes n yiṣerrifen imarudanen ara d-yadren ɣer 7.371,7 n yimelyaṛen n yidinaṛen (seg 7.823,1 n yimelyaṛen n yidinaṛen ay yessefra, naqal, usaḍuf n tedrimt yezrin).

Tinudaf timarudanin yessefk daɣ ad d-neqsent ɣer 5.395,8 n yimelyaṛen n yidinaṛen (seg 6.289,7 n yimelyaṛen n yidinaṛen deg usaḍuf yezrin). Tissert tamarudant yessefk ad taweḍ ɣer 1.976,9 n yimelyaṛen n yidinaṛen (-10,4% seg ufaris agensi anusem) deg wakud aydeg ay yessefra, usaḍuf yezrin, ad tili 1.533,4 n yimelyaṛen n yidinaṛen (-7,2% seg ufaris agensi anusem).

Imi ay yuder mliḥ watig n upitṛul deg wayyuren-a ineggura, sneqsen-d atig n twelha n tbettit n upitṛul seg 50 n yidulaṛen ɣer 30 n yidulaṛen, ma d atig n wulzuz yuder-d seg 60 ɣer 35 n yidulaṛen deg usenfar n usaḍuf assmadan n tedrimt n 2020.

 

Asenfar n usaḍuf assmadan n tedrimt n 2020 yettwasmemmi deg Ugraw Aɣerfan Aɣelnaw
  Yeffeɣ-d ass n : Letniyen, 01 Yunyu 2020 11:54     Taggayt : TADAMSA     Ɣran-t : 32 n tikkal   Bḍu