Menu principal

Menu principal

Kra n yimazanen kukran seg temyadast tanewsit n usaḍuf assmadan n tedrimt

Yeffeɣ-d ass n : Lexmis, 28 Mayu 2020 11:13   Ɣran-t : 93 n tikkal
Kra n yimazanen kukran seg temyadast tanewsit n usaḍuf assmadan n tedrimt

LEZZAYER TAMANEƔT – Kra n yimazanen n Ugraw Aɣerfan Aɣelnaw ssawlen-d, ass n ukras, deg uskasi ɣef usaḍuf assmadan n tedrimt n 2020, ɣef ukukru-nsen deg wayen yerzan tamyadast tanewsit ay yettwaḍefren deg ukatar n usaḍuf-a ɣef lǧal n unqas n umaduf apitṛulan.

I lmend n waya, yenna-d umazal Youcef Mahi (Amsegraw Aɣelnaw Amegday) dakken asaḍuf assmadan n tedrimt yesseqdec tarrayt-nni ay yettwasqedcen deg tezɣan yezrin yernu yenna-d dakken timerniwt n tewsiwin mi ara yenqes umaduf iban-d dakken ur yenfiɛ ara.

Amazan Mohamed Amine Hariz (Tirni n Uslelli Aɣelnaw) yenna-d dakken s usaḍuf-a, anabaḍ ad d-yerr lḥeṛs n lexṣaṣ n umarud ɣer uɣref deg wakud aydeg aṭas n taggayin tinmettiyin d temsadurin ay yeḍruṛin seg yisemda n tkaɣreft n unfafad bu uqacuc ay iḥuzan mliḥ tadamsa.

Amazan Abderrahmane Yahia (Amsegraw Aɣelnaw Amegday) yenna-d dakken wa d « asaḍuf n yiweddiben idrimanen » yernu yenna-d dakken anabaḍ yesmenyaf « tefses d uferru aḥerfi » n tezɣent yeḥwajen tifratin n tidet.

Ma d amazan Mhamed Hadji (Amsegraw Aɣelnaw Amegday) iḥettet-d dakken tifrat n lexṣaṣ n yidrimen d asegrew n yidrimen yellan deg wulzuz amsadaɣ d usersi-nsen deg tbankiwin, am wakken ay yessefk ad tettwassebɣes tmerrit tadigant, ad yettwadhel usefti afarsan yernu ad ttwadehlen yimkerrazen.

 

Last modified on Ssebt, 30 Mayu 2020 11:03
Kra n yimazanen kukran seg temyadast tanewsit n usaḍuf assmadan n tedrimt
  Yeffeɣ-d ass n : Lexmis, 28 Mayu 2020 11:13     Taggayt : TADAMSA     Ɣran-t : 93 n tikkal   Bḍu