Menu principal

Menu principal

Taɣlalt n wass n lɛid ameẓyan tettwaqader s 99,44%

Yeffeɣ-d ass n : Ttlata, 26 Mayu 2020 11:59   Ɣran-t : 1 n tikkal
Taɣlalt n wass n lɛid ameẓyan tettwaqader s 99,44%

LEZZAYER TAMANEƔT – Ahil n teɣlalt n sin n wussan n lɛid ameẓyan qudren-t yimsenza s 99,44% deg wakk timnaḍin n ugelluy aɣelnaw, ɣef wakken ay d-yenna uɣlif n tnezzut.

Deg wass wis sin n lɛid, yella-d uqader n 99,45% n wahil-a, deg wakud aydeg deg wass amezwaru, yettwaqader wahil-a s 99,44%.

Ɣef leḥsab n uɣbalu-a, aktamur n uḍfar n wahil-a deg wass wis sin n lɛid yerna ɣef leḥsab n wass amezwaru, ula ma ttwaḥettmen-d wakaten d iquranen deg ukatar n usekmen adawsan yellan deg tmurt », ɣef wakken ay d-yenna ulɣu-a.

Aktamur n uḍfar yella-d am wakka: 99,50% deg Tmehla Tamnaḍant n Lezzayer, 100% deg Tmehla Tamnaḍant n Ɛennaba, 100% deg Tmehla Tamnaḍant n Waregla, 95,74% deg Tmehla Tamnaḍant n Beccaṛ d 99,93% deg Tmehla Tamnaḍant n Leblida, ɣef wakken ay d-yenna uɣbalu-a.

Aktamur n uḍfar yella-d daɣ s 100% deg tmehliwin n twilayin n Tbatent d Wehṛan, am wakken ay yewweḍ ɣer 99,97% deg Ssɛida d 99,98% deg Tmehla Tamnaḍant n Sḍif.

Yeckeṛ-d uɣlif n tnezzut, deg ulɣu-nnes, imsenza ay iqudren ahil n teɣlalt d wid ay ireẓmen ula ma ur ttwaḥettmen ara ad gen aya, am wakken ay ten-yesnemmer akk imi ay ḍemnen akemmel n umeẓlu anagdud i lfayda n yiɣsermanen deg tallit-a n tezɣent tadawsant.

Aneɣlaf n tnezzut, Kamel Rezig, yenna-d, ass n ukwas yezrin dakken ssutren seg 43.000 n yimsenza akken ad qadren ahil n teɣlalt deg sin n wussan n lɛid s uqader n wakaten n usekmen ay yeddem unabaḍ.

Deg yiwet n temlilit deg tesɣimt n uɣlif n tnezzut deg Lezzayer Tamaneɣt, yenna-d uneɣlaf dakken akuden n teɣlalt, aseggas-a, ad ilin gar tis 7:00 n tnezzayt d tmezwarut n tmeddit ɣef lǧal n usekmen adawsan ay d-yettwaḥettmen ɣef wakk tiwiyalin n tmurt.

 

Last modified on Lexmis, 28 Mayu 2020 11:57
Taɣlalt n wass n lɛid ameẓyan tettwaqader s 99,44%
  Yeffeɣ-d ass n : Ttlata, 26 Mayu 2020 11:59     Taggayt : TADAMSA     Ɣran-t : 1 n tikkal   Bḍu