Menu principal

Menu principal

Takebbanit Sonatrach : tuɣalin s amahil n yimehhalen ad d-tili d tafarant

Yeffeɣ-d ass n : Letniyen, 25 Mayu 2020 22:23   Ɣran-t : 44 n tikkal
Takebbanit Sonatrach : tuɣalin s amahil n yimehhalen ad d-tili d tafarant

LEZZAYER  TAMANEƔT – Tamehla tamatut n tkebbanit taɣelnawt n yiserɣan Sonatrach tenna-d ass n uynas (letniyen) dakken tuɣalin s amahil n yimehhalen ad d-tili d tafarant am wakken i d-yedda deg waɣaden n yiduba inagduden akked wakaten yettwaddmen deg uswir agensi mgal n unfafad Bu Tesmert Covid 19.

"D tiririt i tilɣa i yettwamsaken melmi kan, ɣef yiẓeḍwa inmettiyen ɣef tuɣalt tamatut n yimehhalen n Teṛmist ass n 31 mayu 2020, tamehla tamatut n Sonatrach tesmekti-d dakken tuɣalin n yimehhalen ad d-tili d tafarant s uḍfar n waɣaden ddmen yiduba inagduden akked wakaten n tezmilt tagensit yerzan tuɣalt tafarant n yirmuḍen", i teddem tkebbanit deg yiwet n tezmilt n telɣut i sersen deg usebter-is n Facebook.

"Imasayen n yirmuden akked temṣukin ttwakelfen s uselɣu n yimalalen-nsen tuɣalt tafarant am wakken i d-yers deg uɣawas i gant temṣukin-nsen tideblanin", i yerna yenna-d uɣbalu-nni.

Ɣef wakken i d-tenna tezmilt-a, imehhalen daɣen ad ten-nesselɣu yiwen yiwen am wakken i d-yedda deg uɣawas n yal tamṣukt deg wayen yerzan tuɣalin ɣer ɣirmuden.

Deg wattal-a, tamehla tamatut n tkebbanit Sonatrach nesnebgi-d imehhalen-is "i wakken ur ttamnen ara tilɣa ara yafen deg yiẓeḍwa inmettiyen akked yismal ur nettwassen ara" yessefk "ad dlun ɣef usebter unṣib n Facebook akked tezmilin yuzzaren deg tebwaḍin yizen n wanternet n teṛmist".

Last modified on Ttlata, 26 Mayu 2020 12:02
Takebbanit Sonatrach : tuɣalin s amahil n yimehhalen ad d-tili d tafarant
  Yeffeɣ-d ass n : Letniyen, 25 Mayu 2020 22:23     Taggayt : TADAMSA     Ɣran-t : 44 n tikkal   Bḍu