Print this page

Asdabu n tesmilt n « uselɣi n yigi anezzan »

Yeffeɣ-d ass n : Ljemɛa, 22 Mayu 2020 13:07   Ɣran-t : 19 n tikkal
  • Bḍu
Asdabu n tesmilt n « uselɣi n yigi anezzan »

LEZZAYER TAMANEƔT – Yenna-d uneɣlaf n tnezzut, Kamel Rezig, ass n ukwas deg Lezzayer Tamaneɣt, dakken yella-d usdabu unṣib n « tesmilt n uselɣi n yigi anezzan », yernu iswi-nnes d aṣeggem n urmud anezzan d umennuɣ mgal tmeskar n diri yellan deg wulzuzen, am usmirer s watigen d udɣal.  

Deg yiwet n temlilit deg tesɣimt n uɣlif i lmend n udiwenni ɣef teɣlalt n yimsenza deg sin n wussan n lɛid ameẓyan, yenna-d Mass Rezig dakken aseɣyed n wulzuz d usuddes-nnes ur zmiren ad d-ilin arma yella-d uselɣi n yigi anezzan yernu d aya ara d-yerren tiffrawent i ugzum n tnezzut.

Tasmilt n uselɣi n yigi anezzan ad d-tqeddem igmaḍ n umahil-nnes uqbel 15 Ctembeṛ, ɣef wakken ay d-yenna Mass Rezig yernu yenna-d dakken tigrayin n yigmaḍ-a ad tent-yesmemmi uɣlif n tnezzut i lmend n ucegger n kra n yiḍrisen n usaḍuf yerzan aseɣyed n urmud anezzan.

Tasmilt-a d Mass Rezig ay d aselway-nnes yernu d tin aydeg ara ttekkin akk yigzumen ay terza temsalt: igensasen n yimeẓla n tɣellist (tamsulta d temsetla), igensasen n tiddukliwin n umesten n yimsuder d tfidiṛaliyin n yimsenza.

Yenna-d Mass Rezig dakken tasmilt-a ad tesɛu tamet (8) n tduseqqimin.

Tamezwarut ad tmahel ɣef uselɣi n wulzuz n yigumma d tidal irexsasen. Tis snat ad d-telhu s tnezzut n yikesman izewwaɣen d yimellalen, iselman d tmellalin. Tis kraḍt ad d-telhu s yifarisen n tbeqqalt. Taduseqqimt tis kuẓet ad d-telhu s yifarisen n usizdeg, ashuski d tseddedt. Taduseqqimt tis semmsuet ad d-telhu s uselɣi n tnezzut n yifarisen itersaddaren, isgulaf n uxxam d yiruka. Taduseqqimt tis sḍiset ad d-telhu s yiceṭṭiḍen, irkasen d uglim. Taseqqimt tis sat ad d-telhu s yimeẓla, deg wakud ayudeg taduseqqimt tis tamet ad d-telhu s tallunin tinezzanin.

 

 

Asdabu n tesmilt n « uselɣi n yigi anezzan »
  Yeffeɣ-d ass n : Ljemɛa, 22 Mayu 2020 13:07     Taggayt : TADAMSA     Ɣran-t : 19 n tikkal   Bḍu