Menu principal

Menu principal

Taẓwert tafukant : aseḍru n yiwen n usenfar ameqqran n 4.000 MW s wugar n 3 n yimelyaren idulaṛen

Yeffeɣ-d ass n : Lexmis, 21 Mayu 2020 19:14   Ɣran-t : 17 n tikkal
Taẓwert tafukant : aseḍru n yiwen n usenfar ameqqran n 4.000 MW s wugar n 3 n yimelyaren idulaṛen

 

LEZZAYER  TAMANEƔT – Yella yiwen n usenfar ameqqran n useḍru n yiwet n lluzin n trisiti tafukant n 4.000 MW ara d-yettenqamen s wazal n 3,6 n yimelyaren idulaṛen, yessimel-it-id ass n ukras (larebɛa) uneɣlaf n Teẓwert Mohamed Arkab, deg yiwet n temlilit n unabaḍ, i d-yenna yiwen n ulɣu n yimeẓla n uneɣlaf Amezwaru.

"Anabaḍ yesla i uneqqis n Uneɣlaf n teẓwert ɣef uciri n usenfar n useḍru n lluzin n trisiti afukan i ufares n teẓwert n trisiti", i neɣra deg ulɣu n teggara n temlilit n unabaḍ i d-yeḍran s usarag-tiliẓri i yesselwi uneɣlaf Amezwaru Abdelaziz Djerad.

Deg ukatar n tikkin taẓewrant yellan deg wul n uɣawas n tigawt n unabaḍ i yiseggasen i d-iteddun, agzum n teẓwert irad aciri n yiwen n usenfar ameqqran, i umi nsemma TAFOUK1, i useḍru n lluzinat trisiti tafukant n yiwen n ukettur aɣrud n 4.000 MW i twala n 2020-2024, i d-yesseddi uɣbalu-nni.

Asenfar-a yeḥwaǧ aṣerref yellan seg gar 3,2 ɣer 3,6 n yimelyaren n yidulaṛen ara d-yesɣenwen 56.000 n yimeḍqan n umahil deg twala n useḍru-s akked 2.000 nniḍen mi ara yebdu wammud-is, i yerna yenna-d ulɣu.

Lluzinat n trisiti tafukant, ara d-nesseḍru deg ukatar n usenfar-a, ad uzzurent ɣef mraw n yigezda ad ḥwiǧent yiwet n tjumma taɣrudt n wazal n 6400 yiqṭaren.

Nnig n tririt i usuter aɣelnaw deg wayen yerzan taẓwert akked uḥareb ɣef yiɣbula n upiṭrul akked wurrig, aseḍru n usenfar-a ad aɣ-yessiweḍ ad neṭṭef amḍiq deg wulzuz aqraɣlan, s usiǧew n trisiti s uzal meɛqulen, akked usiǧew n tmusni-nneɣ deg tɣult-a.

 

 

 

 

Last modified on Ljemɛa, 22 Mayu 2020 13:10
Taẓwert tafukant : aseḍru n yiwen n usenfar ameqqran n 4.000 MW s wugar n 3 n yimelyaren idulaṛen
  Yeffeɣ-d ass n : Lexmis, 21 Mayu 2020 19:14     Taggayt : TADAMSA     Ɣran-t : 17 n tikkal   Bḍu