Menu principal

Menu principal

Yessefk ad ddukklen wussisen i lmend n umennuɣ mgal usmirer s watigen

Yeffeɣ-d ass n : Laṛebɛa, 20 Mayu 2020 12:01   Ɣran-t : 28 n tikkal
Yessefk ad ddukklen wussisen i lmend n umennuɣ mgal usmirer s watigen

SḌIF – Iḥettet-d uneɣlaf n tnezzut, Kamel Rezig, ass n uynas, deg terzi-nnes n umahil ɣef Sḍif, dakken yessefk ad ddukklen watigen n wakk idisan ay terza temsalt i umennuɣ mgal akk talɣiwin n usmirer s watigen n yifarisen n usuder deg wulzuz.

Deg yiwet n tejmilt ay yerra, deg tesɣimt n twilayt, i yikataren d yimeggiyen n usefqed n tmehliwin n tnezzut n mennaw n twilayin, gar-asent Sḍif, Ɛennaba, Skikda, Ṭṭaref, Bgayet d Temsilt, ladɣa wid ayɣef tɛeddan mi llan ttgen amahil-nsen, iwekked-d Mass Rezig dakken s wussisen n yimeggiyen-a, tamsulta, tamsetla taɣelnawt d tedwant ara d-yili umennuɣ mgal urkaḍ ay ttgen kra n yimsenza.

Ussisen ay d-yettilin i usegrer d usuddes n wulzuz iswi-nsen d asiweḍ ɣer tegnit aydeg ara yaf iman-nnes ama d imsuder, ama d amsenzu, ama d amkerraz, ɣef wakken ay d-iwekked Mass Rezig.

Yesteɛṛef uneɣlaf dakken tuɣdaḍin ay ttgen yimeggiyen n usefqed weɛṛent, d acu kan, iwekked-d dakken imeggiyen-a yessefk ad gen amahil-nsen ula ma tamurt attan deg tegnit iweɛṛen. Yerna-d uneɣlaf dakken « nessaweḍ, ula ma aql-aɣ deg wayyur wis sin n usekmen, ad neḍmen arkad n watigen n qrib akk ifarisen n usuder deg wulzuz ».

I lmend n waya, Mass Rezig iwekked-d dakken yessefk ad ttwasefrin yimsenza akken ad sɛun tafrit akken ur ssaɣlayen ara ilzazen-nsen, am wakken ay d-yesmekti dakken tiddit-a d aḥric seg wahil n uselway n tegduda d tigawt n unabaḍ, dɣa ɣef waya ay yessefk ad ttekkin deg-s akk yidisan ay terza temsalt, acku ugur-a ur yeqqin ara kan ɣer uɣlif n tnezzut.

« Ad nmahel akken ad d-ssezg ulzuzen-nneɣ ɣef leḥsab n tegna tigraɣlanin, anamek-nnes atigen ad tteddun ɣef leḥsab n ulugen n usumer d usuter yernu maci ɣef leḥsab n usmirer s watigen », ɣef wakken ay d-iwekked uneɣlaf n tnezzut.

 

 

Last modified on Lḥedd, 24 Mayu 2020 13:50
Yessefk ad ddukklen wussisen i lmend n umennuɣ mgal usmirer s watigen
  Yeffeɣ-d ass n : Laṛebɛa, 20 Mayu 2020 12:01     Taggayt : TADAMSA     Ɣran-t : 28 n tikkal   Bḍu