Menu principal

Menu principal

Asenfar n usaḍuf n tedrimt n 2020: Asemɣer n unumay n tewsi ɣef tbaɣurt

Yeffeɣ-d ass n : Letniyen, 18 Mayu 2020 12:56   Ɣran-t : 42 n tikkal
Asenfar n usaḍuf n tedrimt n 2020: Asemɣer n unumay n tewsi ɣef tbaɣurt

LEZZAYER TAMANEƔT – Asenfar n usaḍuf assmadan n tedrimt n 2020 yessumer-d tukksa n tewsi ɣef tgemmi d yiriri n tewsi ɣef tbaɣurt deg udeg-nnes, s usemɣer n yiger n yimdanen ayɣef ara d-tettwaḥettem tewsi-a d tmerniwt n wazal-nnes ɣef leḥsab n teskala d tafarant.

Menɣir asenfel n yisem n tewsi-a (seg « tewsi ɣef tgemmi » ɣer « tewsi ɣef tbaɣurt »), tiwsi-a d tin ara xellṣen yimdanen inesbuɣar ula ma imdanen-a ur sɛin ara ayla deg Lezzayer maca ttṣerrifen aṭas n yidrimen deg tmurt-a.

Deg wayen yerzan azal-nnes, asaḍuf assmadan n tedrimt yessumer-d taskala d tafarant i uktazel-nnes, yili aktazel n tewsi ɣef tgemmi tella tettwaḥsab s uktamur n 0,1% seg wazal n tgemmi. Deg ukatar n teskala-a tafarant, bab n tbaɣurt ad ixelleṣ 0,15% seg tgemmi ma yella azal-nnes yettezzi gar 100 d 150 n yimelyunen n yidinaṛen, am wakken ara ixelleṣ 0,25% ma yella azal n tgemmi-nnes yettezzi gar 150 d 250 n yimelyunen n yidinaṛen, 0,35% ma yella azal n tgemmi-nnes yettezzi gar 250 d 350 n yimelyunen n yidinaṛen. Ad yaweḍ uktamur-a ɣer 0,5% ma yella azal n tgemmi-nnes yettezzi gar 350 d 450 n yimelyunen n yidinaṛen.

Ma tekka tgemmi i wazal n 450 n yimelyunen n yidinaṛen, bab-nnes ad ixelleṣ tiwsi ɣef tbaɣurt n 1%, ɣef leḥsab n usaḍuf-a assmadan n tedrimt ay yesɛedda useqqamu n yineɣlafen ass n 10 Mayu yezrin yernu ad yettunefk i umni ussan-a akken ad d-yili fell-as uskasi.  

Deg wayen yerzan imdanen ifekkanen yesɛan azedduɣ-nsen anewsi deg Lezzayer yernu ur sɛin ara ayla am wakken ay d-tettwaḥettem fell-asen tewsi-a ɣef lǧal n uṣerref-nsen ameqran, yenna-d usaḍuf-a dakken aktazel n tewsi-nsen ad d-yili ɣef leḥsab n umagrad 98 n ungal n tewsiwin tusridin d tẓeṭṭaḍen yecban aya, d amagrad d-yessawalen ɣef uktazel asebḍan addayan n umaduf ara d-yilin ɣef yimdanen-a ɣef leḥsab n uṣerref-nsen.

Amagrad-a yebder-d 10 n yiferdisen n usekkir n tmeddurt ayɣef tezmer ad tettwaxelleṣ tewsi yernu wi d isaguren n tnezduɣin tigejdanin neɣ tisinanin, imahalen n uxxam, imseddayen, imuṭuten, iɣerruba n umzel, iyuṭen, isafagen imerranen d yiysan.

 

Last modified on Laṛebɛa, 20 Mayu 2020 12:02
Asenfar n usaḍuf n tedrimt n 2020: Asemɣer n unumay n tewsi ɣef tbaɣurt
  Yeffeɣ-d ass n : Letniyen, 18 Mayu 2020 12:56     Taggayt : TADAMSA     Ɣran-t : 42 n tikkal   Bḍu