Menu principal

Menu principal

18 n yimelyunen n yiqenṭaren n yifarisen ikerrazanen ay yettwasdegren ɣef wulzuzen deg Remḍan

Yeffeɣ-d ass n : Ssebt, 16 Mayu 2020 13:18   Ɣran-t : 41 n tikkal
18 n yimelyunen n yiqenṭaren n yifarisen ikerrazanen ay yettwasdegren ɣef wulzuzen deg Remḍan

LEBLIDA – Ixebber-d uneɣlaf n tkerraz, Cherif Omari, ass n ukwas deg Leblida, dakken 18 n yimelyunen n yiqenṭared n yifarisen ikerrazanen ay yettwasdegren ɣef wulzuzen deg wayyur n Remḍan akken ad afen yiɣermanen ifarisen-a s ssumat meɛqulen yernu ur ttafen ara wid yetturaren s watigen tagnit akken ad rnun deg watigen.

Deg yiwet n tesguri i tɣemsa, deg yijifeṛ n uciri n terkeft n temsetlelt i lfayda n yimezdaɣen n twilayt n Leblida, ladɣa tiwaculin ixuṣṣen ay iḥuza usekmen ɣef lǧal n unfafad bu uqacuc, Mass Omari ixebber-d dakken anabaḍ yeddem akk akaten akken ad yessedger ifarisen ikerrazanen yemgerraden ɣef wulzuzen, ama d igumma neɣ d tidat, yernu s teɣzef n wayyur n Remḍan aydeg irennu usuter ɣef yifarisen-a.

Iwekked-d daɣ, ula ma yeɣli-d wayyur n Remḍan deg tezɣent n unfafad bu uqacuc, maca ifarisen ikerrazanen yenzan deg wulzuz d wid yesɛan taɣara yernu nzan s watigen meɛqulen.

Yenna-d uneɣlaf dakken awanak yeddem akk akaten yessefken i usejhed n tɣellist tameččant s usejhed n ukettur n ufares d ubdad i lmend n yimkerrazen d yimseftiyen, am wakken ay d-yerna dakken Lezzayer tesɛa asatim asnuddsan n yimendiyen imi ay tesɛa akettur d ameqran n usmidel, yernu asatim-a d win ara iḍemnen asigeẓ yettkemmilen n wakk tissyar.

I usmekti, yesselwi uneɣlaf aciri n yiwet n terkeft n temsetlelt i lmend n usedgrer n yifarisen ikerrazanen yemgerraden, gar-asen aksum amellal d uzewwaɣ, lbaṭaṭa d tini, d yifarisen imeččanen ay d-ṣeddqen yimṣeddqen d yimkerrazen n twilayin yemgerraden i lfayda n 6.000 n twaculin n Leblida.

 

Last modified on Letniyen, 18 Mayu 2020 12:58
18 n yimelyunen n yiqenṭaren n yifarisen ikerrazanen ay yettwasdegren ɣef wulzuzen deg Remḍan
  Yeffeɣ-d ass n : Ssebt, 16 Mayu 2020 13:18     Taggayt : TADAMSA     Ɣran-t : 41 n tikkal   Bḍu