Menu principal

Menu principal

Tineggiwin n usikel nḍerrent seg tezɣent n unfafad bu uqacuc

Yeffeɣ-d ass n : Lexmis, 14 Mayu 2020 11:47   Ɣran-t : 49 n tikkal
Tineggiwin n usikel nḍerrent seg tezɣent n unfafad bu uqacuc

WEHṚAN – Yenna-d uselway n Unmalu Aɣelnaw n Tneggiwin n Usikel n Utaram, Tewfik Midoune, dakken takaɣreft n unfadad bu uqacuc tella-d d « tazlazt n tidet » i tneggiwin n usikel d tmerrit imi ay tent-terra tmara ad medlent.

« Tineggiwin n usikel uɣent tiyita ijehden sɣur tkaɣreft n unfafad bu uqacuc. Aya yella-d mi nella nessewjad-d isumren n yimuras deg unẓul n tmurt d uzɣar akked yisiklen n lɛumṛa deg wayyur n Remḍan. Aya yella-aɣ-d d tazlazt n tidet. Akk tineggiwin n tmurt medlent », ɣef wakken ay d-yenna Mass Midoune deg yiwet n tdiwennit d Tnegga n Yisalan n Lezzayer.

« Akk tineggiwin n tmurt ad qqiment medlent skud isafagen werɛad ur bdin affug. Tagnit-a tesqam-aɣ-d ɣlayet aṭas seg wayyur n Meɣres yezrin acku nesɛa tiɣawsiwin d yimahalen ara nxelleṣ », ay d-yenna Tewfik Midoune ay d-yernan dakken ugar n 10.000 n yimahalen ay yesbedden amahil d tamara ɣef lǧal n tegnit-a.

I lmend n uferru n wugr-a, ttwaddmen wakaten i usemmet n uxelleṣ n yidrmen i Usenduq Aɣelnaw n Tɣellist Tanmettit n Wid ur yesɛin Talawit d usemmet n uxelleṣ n tewsiwin. « Deg tallit-a n tezɣent tadawsant, ur netteg ara akk kra n urmud », ɣef wakken ay d-iwekked.

Yenna-d umasay-a dakken agzum n tneggiwin n usikel atan deg tegnit d taweɛṛant yernu i uferru n  wugur-a, yessumer-d unmalu-nnes i uneɣlaf amenzu mennaw n tɣawsiwin gar-asent taẓeṭṭaḍt n 2.500 n yidinaṛen ɣef yal win ara yebɣun ad d-iḥiǧǧ neɣ ad d-yawi lɛumṛa, yernu d Adiwan n Lḥiǧǧ ara ixellṣen taẓeṭṭaḍt-a i tallalt n n tneggiwin n usikel deg tegnit n twaɣit tagamant.

Yerna-d uselway n unmalu-a dakken tallalt-a yessefk ad tettunefk ɣef leḥsab n uzwil n yiweẓla n tneggiwin yettxelliṣen tiwsiwin-nsent ladɣa imi awanak yesɛa ammaken ayyes ara yessefqed tillugent n uxelleṣ n tewsi n yal tanegga.

 

Last modified on Ssebt, 16 Mayu 2020 13:20
Tineggiwin n usikel nḍerrent seg tezɣent n unfafad bu uqacuc
  Yeffeɣ-d ass n : Lexmis, 14 Mayu 2020 11:47     Taggayt : TADAMSA     Ɣran-t : 49 n tikkal   Bḍu