Menu principal

Menu principal

Amday n tkeṛṛusin: Aǧaw n wugar n 1,2 d amelyaṛ n yidulaṛen n tegrummiwin deg 4 n wayyuren

Yeffeɣ-d ass n : Ljemɛa, 07 Yunyu 2019 18:24   Ɣran-t : 477 n tikkal
Amday n tkeṛṛusin: Aǧaw n wugar n 1,2 d amelyaṛ n yidulaṛen n tegrummiwin deg 4 n wayyuren

LEZZAYER TAMANEƔT – Tuǧew-d Lezzayer 1,2 d amelyaṛ n yidulaṛen n tegrummiwin n CKD (ifuken s umday) d SKD (tid ur ifuken) i umday n tkeṛṛusin deg 4 n wayyuren imezwura n 2019, deg wakud aydeg d-tuǧew 1,025 n yimelyaṛen n yidulaṛen deg tallit-a deg 2018. S waya, yerna waǧaw n tegrummiwin-a s 20% ɣef wakken ay d-tenna Tmehla Tamatut n Tedwant i Tnegga n Yisalan n Lezzayer.

Tigrummiwin ur ifuken (SKD) n yimseddayen ifessasen sqament-d 928 n yimelyunen n yidulaṛen deg 2019, deg wakud aydeg 882 n yimelyunen n yidulaṛen deg tallit-nni deg 2018, ɣef wakken ay d-tenna Tmehla n Tezrawin d Warid n Tedwant.

Seg yidis niḍen, ttwaǧwen-d 306 n yimelyunen n yidulaṛen n tegrummiwin n SKD (ur ifuken) i umday n yimseddayen n umesni n yimdanen (isakalen) d yilzazen, yernu tella-d tmerniwt n 100% deg waya ɣef leḥsab n 2018.

 

Amday n tkeṛṛusin: Aǧaw n wugar n 1,2 d amelyaṛ n yidulaṛen n tegrummiwin deg 4 n wayyuren
  Yeffeɣ-d ass n : Ljemɛa, 07 Yunyu 2019 18:24     Taggayt : TADAMSA     Ɣran-t : 477 n tikkal   Bḍu