Azmal n ugatu i lebni n uɣerrabu amaynu i Teṛmist Taɣelnawt n Umesni Awlal n Yemsiklen

Yeffeɣ-d ass n : Letniyen, 12 Meɣres 2018 13:44   Ɣran-t : 30 n tikkal
Azmal n ugatu i lebni n uɣerrabu amaynu i Teṛmist Taɣelnawt n Umesni Awlal n Yemsiklen

LDZAYER TAMANEƔT – Tezmel Teṛmist Taɣelnawt n Umesni Awlal n Yemsiklen agatu d yiwet n tegrawt tacinwat yemmuzzgen, ass n lḥedd deg Ldzayer Tamaneɣt, i lmend n lebni n uɣerrabu amaynu ay yettawyen imsiklen d tkeṛṛusin s tezmert n 1800 n yemsiklen d 600 n yemseddayen.

Tagrawt-a tacinwat ttekkant deg-s 2 n teṛmisin yernu ti d Guangzhou Shipyard International (GSI) d China Shipbuilding Trading Company (CSTC).

Agatu-a ad d-yesqam 175 n yimelyunen n yidulaṛen yernu iwemmeṛ-it uselway-anemhal amatu n Teṛmist Taɣelnawt n Umesni Awlal n Yemsiklen, Ahcene Grairia, iselwayen n GSI d CSTC, s weḥdaṛ n uneɣlaf n yimahilen inagduden d umesni, Abdelghani Zaalane d tgensast n tmahelt n Ccinwa deg Ldzayer, He Hongyan.  

Aɣerrabu-a ad yettwabnu deg 26 n wayyuren, ad yesɛu 199,9 deg teɣzef d 29,95 n yimitren deg tehri yernu ad taweḍ tazzalt-nnes ɣer 24 n tkerwas (43,68 n yikilumitren n wesrag).

Ad yesɛu snat n tneččiyin, tamesrit n watay, inurar n wurar i yigerdan, tallunt n tẓallit d tzeɣɣa n waddal.

 

Azmal n ugatu i lebni n uɣerrabu amaynu i Teṛmist Taɣelnawt n Umesni Awlal n Yemsiklen
  Yeffeɣ-d ass n : Letniyen, 12 Meɣres 2018 13:44     Taggayt : TADAMSA     Ɣran-t : 30 n tikkal   Bḍu