Air Algerie: tuqqla n yiwen n usafag ɣer Lezzayer Tamaneɣt deffir ma yella-d deg-s wugur atwilan

Yeffeɣ-d ass n : Letniyen, 05 Fuṛaṛ 2018 10:41   Ɣran-t : 42 n tikkal
Air Algerie: tuqqla n yiwen n usafag ɣer Lezzayer Tamaneɣt deffir ma yella-d deg-s wugur atwilan

LEZZAYER TAMANEƔT – Yeqqel-d, ass n lḥedd, yiwen n usafag n Air Algerie, ɣer Lezzayer Tamaneɣt, asrag deffir ma yeqleɛ ɣer Birut (Lubnan) ɣef lǧal n yiwen n wugur atwilan, ɣef wakken ay d-tenna yiwet n tmasayt n teṛmist-a i Tnegga n Yisalan n Lezzayer.

« Ɣetsen yimaslaḍen n teɣlamt n waffug AH4016 n Lezzayer-Birut, ass n lḥedd, ad d-qqlen ɣer unafag n Lezzayer Tamaneɣt, asrag deffir ma yeqleɛ usafag-nni deffir ma iban-d wugur deg unagraw n usseɣyed n wadad », ɣef wakken ay d-tenna tmasayt n teɣwalt, Massa Mounia Bertouche.

Asafag-a ay iqelɛen seg unafag agraɣlan n Lezzayer ɣef tis 9:30 n tnezzayt yernu ibubb 47 n yemsiklen, yeqqel-d ɣef tizi n 10:30 n tnezzayt akken ad as-ṣeggmen ugur-a atwilan deg tnemsal n unafag. Yella-d waya daɣ akken ur d-yettrusu ara s tmara deg kra n unafag awerdani anda ara d-yesqam uṣeggem-nnes ɣlay, ɣef wakken ay d-tenna.

Mi tettwaɣtes tuqqla n usafag-a, heddnen yixeddamen-nnes imsiklen yernu nnan-asen dakken ssebba nettat d ugur kan atwilan, yernu tenkeṛ Massa Bertouche dakken tendeḥ tmes deg yiwen seg yimuturen n usafag-a, akken ay d-nnan kra n ttawilat n yisalan iliktṛunanen. Mi d-yers usafag-nni, ulyen yemsiklen-nnes deg usafag niḍen ay ten-yessawḍen ɣer wanda ay qesden ad ddun.

Last modified on Letniyen, 12 Fuṛaṛ 2018 16:10
Air Algerie: tuqqla n yiwen n usafag ɣer Lezzayer Tamaneɣt deffir ma yella-d deg-s wugur atwilan
  Yeffeɣ-d ass n : Letniyen, 05 Fuṛaṛ 2018 10:41     Taggayt : TADAMSA     Ɣran-t : 42 n tikkal   Bḍu