Ugar n 6.000 n yemdanen ay d-yessaggzen seg wezɣar akken ad d-sfaydin seg tnezduɣt tanagdudt

Yeffeɣ-d ass n : Letniyen, 05 Fuṛaṛ 2018 09:00   Ɣran-t : 129 n tikkal
Ugar n 6.000 n yemdanen ay d-yessaggzen seg wezɣar akken ad d-sfaydin seg tnezduɣt tanagdudt

LDZAYER TAMANEƔT– Yenna-d uneɣlaf n tnezduɣt, Abdelwahid Temmar, ass n lḥedd deg Ldzayer, dakken ugar n 6.000 n yemdanen ay d-yessaggzen akken ad ssutren tanezduɣt tasmalant tadangdudt (LPP), seg wasmi ay yettwarẓem wesmel n Internet yellan i lmend n waya ass n lexmis, am wakken ay d-llan daɣ 200.000 n warramen n wetɛeddi ɣef wesmel-a seg ugensu n tmurt.

Assiggez anemgag n yiminigen idzayriyen izedɣen deg wezɣar yebda-d ass n lexmis s werẓam n wesmel-a deg Teṛmist Taɣelnawt n Wesmal Aṣukan (ENPI) yernu ssaggzen-d ɣer-s 6.000 n yemdanen seg tmura yemgerraden n wezɣar, ɣef wakken ay d-yenna Mass Temmar deg yijifeṛ n tfugla n tukci n tsura i 2700 n tnezduɣin n tsemselt n ussenzi s lekra (AADL) i lfayda n wid ay d-yessaggzen deg 2001.

Iwekked-d daɣ uneɣlaf dakken aya yella-d deg ukatar n ussekmem n wahil n uselway n tegduda, Mass Abdelaziz Bouteflika, i lfayda n wemɣiwan adzayri ay izedɣen deg wezɣar, yernu d ayen ay yules iwekked-it-id uneɣlaf amenzu, Ahmed Ouyahia, deg yiwen n wemyager d warraw n wemɣiwan adzayri deg Fṛansa.

Last modified on Laṛebɛa, 21 Fuṛaṛ 2018 11:42
Ugar n 6.000 n yemdanen ay d-yessaggzen seg wezɣar akken ad d-sfaydin seg tnezduɣt tanagdudt
  Yeffeɣ-d ass n : Letniyen, 05 Fuṛaṛ 2018 09:00     Taggayt : TADAMSA     Ɣran-t : 129 n tikkal   Bḍu