Asagen n Bgayet la yessefray ad yazen 60.000 n yigebbaren ɣer usagen akiwan n Tkester (Lbuṛj)

Yeffeɣ-d ass n : Ttlata, 23 Yennayer 2018 09:41   Ɣran-t : 43 n tikkal

BGAYET – La yessefray usagen n Bgayet ad yessiweḍ 60.000 n yigebbaren ɣer usagen akiwan n Tkester (Lbuṛj Buɛṛiṛij) deg useggas n 2018, ɣef wakken ay d-yenna, ass n letniyen, uselway-anemhal amatu n usagen-a, Djelloul Achour, i Tnegga n Yisalan n Lezzayer.

Aya d ayen ara yeǧǧen tizemmar n teṛmisin n Yegnan Unnigen ad ttwaɣelltent deg ukatar n wakaten n ussifses n tedbelt n tedwant, ladɣa deg wayen yerzan ttesriḥ i yiɣerwaḍen n walzazen akken ad ssersen alzazen-nsen ɣer temnaḍin yellan beṛṛa i usagen, ɣef wakken ay d-yenna.

« Aya d akat axatar i usagen n Bgayet yernu ad ifaṛes seg waya akken ad yesmel assifses deg wayen yerzan asseddu n walzazen », am wakken ara yessejhed waya tizemmar n ummager alujisti n usagen n Tkester, ɣef wakken ay d-yenna Mass Achour s tumert.

Asagen akiwan n Tkester yettwaẓẓunẓa deg Ɣuct n 2016 yernu tettaweḍ-it tmacint n Bgayet snat n tikkal deg yimalas s 15 n yifaguten d 450 n yiṭunen n walzazen.

Last modified on Ttlata, 23 Yennayer 2018 10:03
Asagen n Bgayet la yessefray ad yazen 60.000 n yigebbaren ɣer usagen akiwan n Tkester (Lbuṛj)
  Yeffeɣ-d ass n : Ttlata, 23 Yennayer 2018 09:41     Taggayt : TADAMSA     Ɣran-t : 43 n tikkal   Bḍu