Tebda tezrawt n wakal i lebni n tneɣraft n tkeṛṛusin n Peugeot deg Wehṛan

Yeffeɣ-d ass n : Lḥedd, 21 Yennayer 2018 10:23   Ɣran-t : 168 n tikkal

WEHṚAN– Tebda-d tezrawt n wakal ay yettwaqeblen i lebni n tneɣraft n tkeṛṛusin n Peugeot deg Wehṛan i lmend n uheyyi i lebni-nnes, ɣef wakken ay d-yenna, ass n ssebt, uwali Mouloud Cherifi.

Mi d-yettwaɛreḍ ɣer « Wenmager n Yiɣermanen » n weɣmis ayallas n « Ouest Tribune » ay d-yetteffɣen deg Wehṛan, iwekked-d uwali dakken imeẓla ay terza temsalt ḍḍfen-d akk ikaramen yerzan akal-a i lmend n lebni n tneɣraft n Peugeot.

Ifureṣt daɣ uwali tagnit akken ad d-iqeddem tacrawt ɣef yisenfaren imeqranen n ussefti ayseg ay d-tesfaydi Wehṛan.

Yettwaheyya-d wakal n 120 n yiqeṭṭaren deg Hamoul, deg wenẓul n tɣiwant n Lkeṛma (Wehṛan). Asmel-a yesɛa akk ttawilat d temṣukin imi ay d-yusa sdat unafag agraɣlan n « Ahmed-Benbella », Abrid Amazzal Agmuḍ-Ataram d yizirig n webrid n wuzzal yeqqnen Wad Ttlitat (Wehṛan) d Sidi Belɛebbas, Tlemsan d Ldzayer Tamaneɣt.

I wesmekti, yettwazmel ugatu deg Wamber n 2017 gar tegrawt n Teṛmist Taɣelnawt n Ufares n Tmacinin Timguranin n Qsenṭina, tagrawt tusligt n Condor, taṛmist tadzayrit n yisafaren Palpa Pro d teṛmist n Peugeot Citroën i ufares n tkeṛṛusin deg Ldzayer.

Tebda tezrawt n wakal i lebni n tneɣraft n tkeṛṛusin n Peugeot deg Wehṛan
  Yeffeɣ-d ass n : Lḥedd, 21 Yennayer 2018 10:23     Taggayt : TADAMSA     Ɣran-t : 168 n tikkal   Bḍu