Menu principal

Menu principal

Zemren ad rren tizeɣwa n tegsarut ddaw udabu n uɣlif n yidles

Yeffeɣ-d ass n : Lḥedd, 18 Tubeṛ 2020 09:26   Ɣran-t : 2 n tikkal
Zemren ad rren tizeɣwa n tegsarut ddaw udabu n uɣlif n yidles

LEZZAYER TAMANEƔT – Tizeɣwa n tegsarut yeqqimen ur ttwamdent ara neɣ tid yettwasseqdacen i wayen niḍen zemrent ad tent-id-kksen i tɣiwanin yernu ad tent-fken i uɣlif n yidles, ɣef wakken ay d-yenna uḍlis n usenfar n usaḍuf n tedrimt n 2021 ay d-yersen deg usmel n Internet n uɣlif n tedrimt.

« Tizeɣwa n uhanay agsaran ay yettwawekklen i tɣiwanin s usnas n umagrad 88 n usaḍuf 80-12 n 31 Dujembeṛ 1980 yerzan asaḍuf n tedrimt n 1981, yernu qqiment ur ttwamadent ara neɣ beddlen-asent tawuri, zemrent ad qqlent, deffir umciweṛ deg ugraw aɣerfan anɣiwan, ad qqlent deg tɣult tusligt n uwanak yernu ad yettwawekkel usefrek-nsent i uɣlif n yidles ɣef leḥsab n tewtilin n umagrad 109 n uḍris-a.

Amagrad 110 n usenfar-a n usaḍuf yessefray dakken awanak ad yalel tiɣiwanin ay terza temsalt-a s yidrimen.

Tizeɣwa n tegsarut ttunefkent bennan, ɣer yidis n temṣukin tinagdunin niḍen, i tɣiwanin aydeg d-usant s uḍfar n umagrad 88 n usaḍuf n tedrimt n 1981.

Aɣlif n yidles yessefrak, ass-a, 81 n tzeɣwa n tegsarut maca tid yettwamaden ur wwiḍent ara 25, deg wakud aydeg tizeɣwin n tegsarut yettwawekklen i tɣiwanin wwḍent ɣer 251 yernu amur ameqqran seg-sent ur ttwamdent, fficctent neɣ tettwabeddel twuri-nsent.

 

Zemren ad rren tizeɣwa n tegsarut ddaw udabu n uɣlif n yidles
  Yeffeɣ-d ass n : Lḥedd, 18 Tubeṛ 2020 09:26     Taggayt : IDLES     Ɣran-t : 2 n tikkal   Bḍu