Menu principal

Menu principal

Ad ssuddsen tuttuyt tuhlist n Tmesrit Tagraɣlant n Udlis n Lezzayer

Yeffeɣ-d ass n : Letniyen, 17 Ɣuct 2020 18:07   Ɣran-t : 152 n tikkal
Ad ssuddsen tuttuyt tuhlist n Tmesrit Tagraɣlant n Udlis n Lezzayer

LEZZAYER TAMANEƔT – Aɣlif n yidles d tẓuriwin yessefray ad yessuddes tuttuyt d tuhlist n Tmesrit Tagraɣlant n Udlis n Lezzayer yernu ad yeg aya i lmend n uḥezzeb mgal uzraɛ n unfafad bu uqacuc, ɣef wakken ay d-yenna unemhal n tnarit n udlis, Djamel Foughali, i Tnegga n Yisalan n Lezzayer.

Aɣtas n usuddes n teẓrigt tis 25 n tmesrit-a s talɣa tuhlist yella-d s umciweṛ d yimaẓrage izzayriyen d yimasayen n tnarit n udlis n uɣlif n yidles imi ay d awezɣi ad yettwassuddes am zik, ladɣa imi tadyant-a tjebbed-d amelyun n yinerzafen yernu tamurt attan deg tallit aydeg yezreɛ unfafad bu uqacuc, ɣef wakken ay d-yessegza Djamel Foughali.

Deg tuttuyt-nnes tuhlist ay mazal ssewjaden-tt-id, tamesrit-a d tin aydeg ara d-sɛeddin isaragen, iskasiyen d tnemsal s ubrid n Internet am wakken ara d-heyyin asenzi n yidlisen s Internet s ticcurka d yimsaduren n udlis, ama d imaẓragen izzayriyen neɣ d iwerdaniyen.  

Anemhal n tnarit n udlis deg uɣlif n yidles yenna-d daɣ dakken ad rnun ad ttwaddmen wakaten i uḥraz d usejhed n temguri n udlis deg Lezzayer deg twala-a n tsureft, d acu kan, ur d-yefki ara ifatusen ɣef waya, am wakken ay d-ixebber dakken ad ssuddsen aṭas n tmesriyin tidiganin n udlis deg mennaw n temdinin n tmurt akken kan ara tṣeggem tegnit tadawsant deg Lezzayer.

Tamesrit Tagraɣlant n Udlis n Lezzayer d nettat ay d tadyant tadelsant tagejdant akk deg Lezzayer. Deg teẓrigt-nnes n 2019, ttekkan 1030 n yimaẓragen seg 36 n tmura, gar-asen 298 d izzayriyen, am wakken ay d-rzan fell-as 1,150 d amelyun n yinerzafen.

 

Last modified on Lḥedd, 06 Ctembeṛ 2020 13:18
Ad ssuddsen tuttuyt tuhlist n Tmesrit Tagraɣlant n Udlis n Lezzayer
  Yeffeɣ-d ass n : Letniyen, 17 Ɣuct 2020 18:07     Taggayt : IDLES     Ɣran-t : 152 n tikkal   Bḍu