Menu principal

Menu principal

Tamyaqqant n unmireg gar Uɣsur Anagdud n Tliẓri d Usudu Imineg n Tẓuriwin n Uhanay

Yeffeɣ-d ass n : Ljemɛa, 10 Yulyu 2020 14:12   Ɣran-t : 1 n tikkal
Tamyaqqant n unmireg gar Uɣsur Anagdud n Tliẓri d Usudu Imineg n Tẓuriwin n Uhanay

LEZZAYER TAMANEƔT – Yesselwi uneɣlaf n teɣlwalt, Amar Belhimer, ass n ukwas, tafugla n uzmal n yiwet n temyaqqant n unmireg deg « usnegmu n uselmed d usileɣ ussnan, adelsan d uẓuran » gar Usudu Imineg n Usadur d Tẓuriwin n Uhanay d Usliẓri d Uɣsur Anagdud n Tliẓri.

Tafugla-a n uzmal tella-d d tagnit i uneɣlaf n teɣwalt akken ad d-iqeddem, deg tinawt-nnes, tudsa-nnes ɣef teɣwalt, am wakken ay d-yerna dakken tamyaqqant-a (ay yettwazemlen deg tesɣimt n usudu) tella-d deg ukatar n tiddit ay yettwaḍefren i tmeṣkiwt n tdamsa n tmussni deg Lezzayer.

Yerna-d Mass Belhimer dakken tamuɣli-nnes ɣef teɣwalt d tin yebnan ɣef tdamsa n tmussni, d tamuɣli ara yesqedcen tisnatwilin timaynutin n uselɣu d teɣwalt yernu ad ters ɣef kraḍ n yigaktiyen ireslanen, wi d « asefti deg umdan », « ammad n termitin » yesɛan azal d ameqran deg unegmu.

Ma d agakti wis kraḍ d win n « tdamsa n tmussni » neɣ « iẓeḍwan n wazalen isegmanen », d win aydeg ay yessefk ad d-tili ticcurka tumnigt.

Tamyaqqant-a ad teṭṭef 4 n yiseggasen, d tin ay izemren ad tettwacegger yernu ad tettwassenfel. Yezmel-itt Ahmed Bensebane, anemgal amatu n Uɣsur Anagdud n Tliẓri, d Mohamed Boukerras, anemhal n Usudu Imineg n Yisaduren n Uhanay d Usliẓri, yernu iswi-nnes d ticcurka i umsenfal n termiyin deg wayen yerzan asileɣ adelsan, aẓuran d utwilan gar sin-a n yiɣsuren.

 

Tamyaqqant n unmireg gar Uɣsur Anagdud n Tliẓri d Usudu Imineg n Tẓuriwin n Uhanay
  Yeffeɣ-d ass n : Ljemɛa, 10 Yulyu 2020 14:12     Taggayt : IDLES     Ɣran-t : 1 n tikkal   Bḍu