Menu principal

Menu principal

Tiɣri i timmazwert i uttekki deg teẓrigt tis 22 n Wussan n Umezgun n Qerṭaj

Yeffeɣ-d ass n : Letniyen, 06 Yulyu 2020 12:59   Ɣran-t : 0 n tikkal
Tiɣri i timmazwert i uttekki deg teẓrigt tis 22 n Wussan n Umezgun n Qerṭaj

LEZZAYER TAMANEƔT – Gren-d tiɣri i timmazwert i lmend n uttekki deg teẓrigt tis 22 n Wussan n Umezgun n Qerṭaj ara d-yilin gar 5 d 13 Dujembeṛ, ɣef wakken ay d-nnan yimsuddsen n tedyant-a deg usmel-nsen n Internet.

Tadyant-a terẓem i tekra timsadurin n umezgun n umaḍal akken ma yella, yernu d tin aydeg d-tettili tyaka d tunṣibt i umezgun aɛṛab d ufriqi, d tayaka aydeg ara ttekkint tmezgunin ay d-fursen deg 2019 yernu ur ttekkant ara deg teẓrigt yezrin n tedyant-a.

Tikra ara yebɣun ad ttekkint yessefk ad d-heyyint akaram aydeg ara yili usettur n uttekki yeččuṛen akken iwata. Asettur-a yezmer ad d-yettwazdem seg usmel n www.jtc.tn. Yessefk daɣ ad aznent tekra-a agzul n tmezgunin-nsen, tagzult (CV) s tewalft n umeskar, imseḍru, izeffanen d yimsatwilen.

Yessefk daɣ ad tettwazen tifert tatwilant ara d-igelmen asayes d wayen akk ay teḥwaj tekrut-nni d tiɣawsiwin titwilanin (am usgalef n usfaw) akken ad d-tqeddem tamezgnt-nnes, am wakken ara tazen tasaggit n uqeddem amezwaru (tamatut), tiwlafin n tmezgun-nni, akaram n tɣemsa aydeg ara d-ddun akk yiferdisen izɣananen yerzan tamezgunt-nni. Nnig waya, yessefk ad d-tesseddu tekrut yebɣan ad tettekki aklas asliẓran n tmezgunt-nni.

Ikaramen n timmazwert yessefk ad yettwazen uqbel 15 Ctembeṛ s umayel ɣer tensa-a: Cette adresse e-mail est protégée contre les robots spammeurs. Vous devez activer le JavaScript pour la visualiser. neɣ ad yettwazen ɣer tensa-a: "Festival international des Journées Théâtrales de Carthage", 16 bis, rue d’Autriche, le Belvédère, 1002 Tunis, Tunisie ».

 

Last modified on Letniyen, 06 Yulyu 2020 13:00
Tiɣri i timmazwert i uttekki deg teẓrigt tis 22 n Wussan n Umezgun n Qerṭaj
  Yeffeɣ-d ass n : Letniyen, 06 Yulyu 2020 12:59     Taggayt : IDLES     Ɣran-t : 0 n tikkal   Bḍu