Menu principal

Menu principal

Tameɣra n uzarug akked tmeḍrit : 5.000 n yidlisen ara yettunefken i temkerḍiyin n tɣiwanin n Wehran

Yeffeɣ-d ass n : Letniyen, 06 Yulyu 2020 10:13   Ɣran-t : 200 n tikkal
Tameɣra n uzarug akked tmeḍrit : 5.000 n yidlisen ara yettunefken i temkerḍiyin n tɣiwanin n Wehran

WEHRAN – Tamehla n yidles n ugezdu n Wehran ad yessedger 5.000 n yidlisen i mennaw n temkerḍiyin n tɣiwanin almend tmeɣra tusligt n uzarug akked tmeḍrit, i aɣ-d-nnan ass n usiḍyas (ssebt) deg tedbelt-a tadigant.

Timkerḍiyin  n tɣiwanin n Wehran, Sanya akked Gdyel ad sfaydint seg tigawt-a, ara d-yeḍrun ass uynas (letniyen), s usedger n yiwen n uɣrud n 5.000 n yidlisen deg tmezzugin yemgarden s tutlayin n teɛrabt, tamaziɣt akked tefransit, i wakken ad ɣeḍmen snat n tedyanin-a, i d-yezzireg uɣella n umeẓlu n Tẓuri akked Tsekla n tmehla-a, Mohamed Djelata.

Almed n waya, ad fken daɣen ikuliyen n yidlisen i tɣiwanin yettwasmunen deg yisunen n tili, i d-yesseddi Mass Djelata.

Seg yidis-nniḍen, Tamehla n yidles n ugezdu n Wehran yessedger yakan ugar n 6.000 n yidlisen seg-mi yebda ukaman dawsan ar ass-a i wakken ad yenɣes uzuzzer n Unfafad Buqacuc, i d-nnan.

Akuli-iḍen ɛezlen-t i yimessiklen yettwaɛezlen deg usensu "les Andalouses" rnan daɣen fkan i mennaw n yigzumen akked tiddukliwin tinmettiyin, ɣef wakken i d-yenna umasay-nni.

Last modified on Letniyen, 06 Yulyu 2020 13:01
Tameɣra n uzarug akked tmeḍrit : 5.000 n yidlisen ara yettunefken i temkerḍiyin n tɣiwanin n Wehran
  Yeffeɣ-d ass n : Letniyen, 06 Yulyu 2020 10:13     Taggayt : IDLES     Ɣran-t : 200 n tikkal   Bḍu