Menu principal

Menu principal

Arraz aseklan n Mohamed-Dib n 2020: Yettwakcef-d « wumuɣ aɣezfan » n yimeskaren yettwaqeblen

Yeffeɣ-d ass n : Lexmis, 02 Yulyu 2020 12:51   Ɣran-t : 1 n tikkal
Arraz aseklan n Mohamed-Dib n 2020: Yettwakcef-d « wumuɣ aɣezfan » n yimeskaren yettwaqeblen

LEZZAYER TAMANEƔT – Yekcef-d Useqqamu n Warraz Aseklan umuɣ « ɣezzifen » n yimeskaren ay yettwaqeblen ad ttekkin deg teẓrigt tis 7 n Warraz n Mohamed-Dib. Umuɣ-a llan deg-s 23 n yimeskaren yuran s taɛṛabt, tamaziɣt d tefṛansit, ɣef wakken ay d-tenna tiddukla n « Axxam Ameqran » deg usebte-nnes n Facebook.

Aktazel n tṣekkiwin ay yettwaqeblen ad ttekkint ikemmel ula ma tella tezɣent tadawsant n unfafad bu uqacuc, yernu tella-d temlilit n Useqqamu n Warraz Aseklan n Mohamed-Dib ass n 27 Yunyu s usarag n teẓrit, d tin aydeg d-yella uskasi ɣef wazal n 10 n tṣekkiwin s taɛṛabt, 10 s tefṛansit d 3 s tmaziɣt.

Hamid Abdelkader, Leila Amer , Abdel Mounaïm Ben Sayeh, Hakima Joumana Djeribiai, Mohamed Ftelina , Djillali Khellas, Nadjet Mezhoud, Djelloul Rahil, Abderrezak Touahria d imeskaren yettwaqeblen deg tutlayt taɛṛabt.

Kraḍ n yimeskaren n tutlayt tamaziɣt d Naïma Benazzouz, Walid Sahli d Murad Zimu. Imeskaren ifṛansiwalen d Mohammed Abdellah, Abderrahmane Arab, Mustapha Benfodil, Hanane Bourai,  Akram El Kebir, Kader Ferchiche, Abdelaziz Grine, Djalila Kadi Hanafi  (Hajar Bali), Amina  Mekahli, Rostom Djawed Touati d Younes Tounsi.

Tasmektayt tadelsant yerzan arraz-a tenfel ɣef lǧal n tkaɣreft n unfafad bu uqacuc. Naqal ssefran ad sfuglen amulli wis 100 n tlalit n Mohamed Dib s teɣzef n useggas n 2020, maca ttwawexxrent tedyanin ara d-yilin i lmend n waya.

Deg tedwilt tis 6 n Warraz n Mohamed-Dib ay d-yellan deg 2018, tasmilt n yimgillan tsemma-d ungal n « Moul El Hira » n Ismail Ibrir s tutlayt taɛṛabtn, « Anza » n Sami Messaoudene s tutlayt tamaziɣt, d « La défaite » (Tirẓi) n Mohamed Saadoune s tutlayt tafṛansit.

Iswi n warraz-a aseklan yettwasemman ɣef uneggal azzayri Mohamed Dib (1920-2003) d asebɣes n yimura izzayriyen yettarun s taɛṛabt, tamaziɣt d tefṛansit.

Tiddukla n « Axxam Ameqran » d tin aydeg ttekkan, seg 2001, 250 n yimaslaḍen yettmahalen deg yirmuden n umezgun, asuneɣ, asewlef d tirawt.

 

Arraz aseklan n Mohamed-Dib n 2020: Yettwakcef-d « wumuɣ aɣezfan » n yimeskaren yettwaqeblen
  Yeffeɣ-d ass n : Lexmis, 02 Yulyu 2020 12:51     Taggayt : IDLES     Ɣran-t : 1 n tikkal   Bḍu