Menu principal

Menu principal

Tajmilt i tnaẓurt tameklat Bettina Heinen Ayach

Yeffeɣ-d ass n : Letniyen, 29 Yunyu 2020 12:24   Ɣran-t : 45 n tikkal
Tajmilt i tnaẓurt tameklat Bettina Heinen Ayach

LEZZAYER TAMANEƔT – Yerra unmahal n Lezzayer deg Berlin, Nor-Eddine Aouam, tajmilt d tameqrant i tnaẓurt-tameklat talmanit Bettina Heinen Ayach, yewwḍen tamella n Yuc ass n 7 Yunyu ɣer 82 n yiseggasen, yernu yeckeṛ-d tanaẓurt-a ay d-yeǧǧan taṣekka ay d-yesskanayen assaɣ ijehden ay yellan gar-as d Lezzayer d uɣref-nnes.

Deg yizen n uɛezzi ay yuzen i twacult n tmeṛḥumt, yenna-d iwekked-d unmahal azal aẓuran n tekla n Bettina Heinen Ayach, d tikla n waman yesɛan tiɣmiwin d tiseflalayin, d tid yeččuṛen d tafat, d tugna n Lezzayer ay tḥemmel s telqey, yernu d tin daɣ ay yerran tajmilt i temdint n Galma anda ay tezdeɣ acḥal n yiseggasen d urgaz-nnes Abdelhamid Ayach.

Tlul Bettina Heinen Ayach deg 1937 deg Solingen, deg Lalman, yernu tezrew deg Uɣerbaz n Tẓuriwin Tihuskayin n Köln, uqbel ma tkemmel tizrawin-nnes deg tmura niḍen am Sswid, Sswis d Nuṛwij. Deg 1955 ay tebda tetteg tizikknin-nnes timezwura. Deg 1963, tusa-d ad tezdeɣ deg Galma d urgaz-nnes ay d-ilulen deg temdint-a.

Deg 1968, yesɣa-d Usalay Aɣelnaw n Tẓuriwin Tihuskayin n Lezzayer Tamaneɣt kra seg tṣekkiwin timezwura n Bettina Heinen Ayach. Deg 1976, tewwi Arraz Ameqran n Temdint n Lezzayer.

Deg 1992, gan tazikkent n 120 n tfelwiyin-nnes deg Usalay Aɣelnaw n Tẓuriwin Tihuskayin yernu tewwi arraz adelsan n Tesbeddit Tanemɣiwant n Solingen deg Baden deg 1993.

Deg 2004, gan tazikkent niḍen n tṣekkiwin-nnes deg Lezzayer Tamaneɣt.

Deg 2018, tettekka Bettina Heinen-Ayach s tewlafin n tekla-nnes deg wazal n 100 n tzikknin titerrasanin d tmazdayin deg Tuṛuft, Tamrikt d Tefriqt.

 

Last modified on Ttlata, 30 Yunyu 2020 12:37
Tajmilt i tnaẓurt tameklat Bettina Heinen Ayach
  Yeffeɣ-d ass n : Letniyen, 29 Yunyu 2020 12:24     Taggayt : IDLES     Ɣran-t : 45 n tikkal   Bḍu