Menu principal

Menu principal

Tizi Uzzu: Amsazwar aẓuran ara i tejmilt i Yidir

Yeffeɣ-d ass n : Letniyen, 18 Mayu 2020 13:49   Ɣran-t : 55 n tikkal
Tizi Uzzu: Amsazwar aẓuran ara i tejmilt i Yidir

LEZZAYER TAMANEƔT – Tcar-d tmehla n yidles n twilayt n Tizi Uzzu yiwen n umsazwar aydeg ara ttekkint mennaw n tugrinin tiẓuranin d tajmilt i unaẓur Yidir ay yewwḍen leɛfu n Yuc seg melmi kan, ɣef wakken ay d-yenna uɣlif n yidles deg yiwen n ulɣu ay d-yeffɣen ass n usamas deg usebter-nnes n Facebook.

Amsazwar-a yerẓem i wakk inaẓuren n twilayt, azwel n « Yidir, d Amay Amuddir » yernu d win yerzan aseḍru n tugna neɣ tafreskut taɣrabant tamuyaft akk n Yidir akken ad rren yes-s tajmilt i ucennay-a, ɣef wakken ay d-yenna uɣbalu-a. Imttekkiyen deg umsazwar-a zemren daɣ ad d-ssumren aẓawan, tizlit neɣ asefru ara yerren tajmilt i yiwen seg yinmahalen n tezlit taqbaylit deg umaḍal.

Imazwaren yeɣsen ad ttekkin yessefk ad aznen izen s umayel i tmehla tadigant n yidles yernu ad d-fken tilɣa-nsen n unermis. Tiṣekkiwin ara d-yettewgen deg ukatar n umsazwar-a ad d-rsent ass n 8 Yunyu i lmend n usfugel n Wass Aɣelnaw n Unaẓur.

Hamid Cheriet, yettwassnen s yisem n unaẓur n Yidir, yewweḍ leɛfu n Yuc ass n 2 Mayu yezrin ɣer 70 n yiseggasen, yernu yettwamḍel ass n ukras yezrin deg yiwet n tmeqbert deg Paris.

 

Last modified on Laṛebɛa, 20 Mayu 2020 13:13
Tizi Uzzu: Amsazwar aẓuran ara i tejmilt i Yidir
  Yeffeɣ-d ass n : Letniyen, 18 Mayu 2020 13:49     Taggayt : IDLES     Ɣran-t : 55 n tikkal   Bḍu