Menu principal

Menu principal

Tamettant n ucennay Idir : yessimel uneɣlaf n Yidles iɛezziyen-is

Yeffeɣ-d ass n : Lḥedd, 03 Mayu 2020 17:51   Ɣran-t : 254 n tikkal
Tamettant n ucennay Idir : yessimel uneɣlaf n Yidles iɛezziyen-is

LEZZAYER  TAMANEƔT – Aneɣlaf n Yidles yessimel iɛezziyen-is seg yesla i tmettant n unaẓur Idir, yezzireg-d dakken rwaḥ-is yeǧǧa-d yiwen n yilem ameqran deg umaḍal n tẓuri tazzayrit, i d-yenna yiwen n ulɣu n uɣlif i d-yettwaẓergen deg usebter-is n Facebook.

"Yewweḍ-aɣ-d yisali, s leḥzen ameqran akked teqriḥt, n tmettant n unaẓur azzayri ameqran Idir, s yisem-is n tidet Hamid Cheriet. Rwaḥ n yiwen n unaẓur am Idir yeǧa-d yiwen n yilem ameqran deg umaḍal n tẓuri tazzayrit", i d-yesseddi ulɣu.

"Amerḥum yessen amek i yessaweḍ ad issinen isem-is akked yidles azzayri n laṣel, s tẓuri-s, d timrawin n yiseggasen aya, yerna yemsaki aɣanib aẓuran ines akked yidles adigan deg umaḍal", i yerna yenna-d uɣbalu-nni.

"S tmettant n Idir, Lezzayer tetti yiwen n usebter mucaɛen n tẓuri yenmeqqnen. Izzayriyen, akk tisutwin, mazal la sellent i taɣect-is, mazal cennun tizlatin n Idir ara yeqqimen deg tkatut d yiwen n useɣnaw ameɣnas…", i d-yenna ulɣu.

Aselway n Tegduda, Abdelmadjid Tebboune yessimel yakan iɛezzan-is, seg yemmut ucennay Idir, yerra tajmilt i umḍiq aẓuran yesɛa deg Lezzayer akked uẓawan-is ameɣradan.

Idir yemmut ass n usiḍyas (ssebt) tameddit deg usbiṭar n Paris netta deg leɛmer-is 71 n yiseggasen, yeǧǧa-d deffir-s agerruj aẓuran.

Tamettant n ucennay Idir : yessimel uneɣlaf n Yidles iɛezziyen-is
  Yeffeɣ-d ass n : Lḥedd, 03 Mayu 2020 17:51     Taggayt : IDLES     Ɣran-t : 254 n tikkal   Bḍu