Yezzuzen Brahim Tayeb imeshanayen n twilayt n Lezzayer

Yeffeɣ-d ass n : Lḥedd, 22 Yebrir 2018 15:41   Ɣran-t : 102 n tikkal
Yezzuzen Brahim Tayeb imeshanayen n twilayt n Lezzayer

LEZZAYER  TAMANEƔT – Acennay azzayri s tenfalit taqbayli Brahim Tayeb iga ass n lǧemɛa deg Lezzayer, yiwet n tmeɣra, ḥedren deg-s ddeqs n yimeshanayen, usan-d dɣa ad slen i uḍebsi aneggaru n unaẓur.

Qublen-t-id deg tzeqqa Ibn Zeydoun deg lemqam n umeɣras (Oref), yenzeg uhanay sin n yisragen, d akud ideg ssawḍen yimeshanayen ad kecmen amḍal aẓawanan n Brahim Tayeb, ideg yella useɣnew aleggaɣ yerran tajmilt i tmedyezt.

Tedda-d yid-s teɣlamt n yimẓawanen n Tizi Uzzu, ideg llan mraw n yinaẓuren akked sḍis n yimalilen, kraḍ n tuɣac d tulawin, anemhal-nsen d Salem Kerrouche, yecna-d unaẓur mraw d semmus n tezlatin, gar-asent, Siɣ-d itran-ik, aḍebsi-s aneggaru, yeffeɣ-d deg wayyur n ɣuct 2017.

Yezzuzen Brahim Tayeb imeshanayen n twilayt n Lezzayer
  Yeffeɣ-d ass n : Lḥedd, 22 Yebrir 2018 15:41     Taggayt : IDLES     Ɣran-t : 102 n tikkal   Bḍu