Tafaska Tabriṭanit n Tẓuri n « Mawaqif » tga-d taẓrigt i Lezzayer

Yeffeɣ-d ass n : Letniyen, 12 Fuṛaṛ 2018 12:39   Ɣran-t : 275 n tikkal
Tafaska Tabriṭanit n Tẓuri n « Mawaqif » tga-d taẓrigt i Lezzayer

LONDON – Tga Tfaska Tabriṭanit n « Mawaqif », ass n ssebt, taẓrigt d tuzzigt i Ldzayer s wahil adelsan, anaẓuran d wesnetlan ay d-yesgerwen ass s lekmal-nnes yernu armi d iḍ, arraw n wemɣiwan adzayri d wegdud n London s umata.  

Deg tzeɣɣa n Rich Mix, deg wegmuḍ n London, heyyan-d ahil n yihanayen i uqeddem n tmagit tadzayrit ama s tewlafin, ama s ssinima, amezgun d uẓawan.

Iswi n tedyant-a d aqeddem n wudmawen yemgerraden n yedles adzayri « ur yettwassnen ara qrib akk » deg Tgelda Yeddukklen, ɣef wakken ay d-tenna Rachida Lamri, timsebdedt n tfaska-a, i Tnegga n Yisalan n Ldzayer. Iswi niḍen n tfaska-a d aqeddem n wudem afriqi n tmagit tadzayrit, ɣef wakken ay d-tenna.

 Ɣer yidis n wesɛeddi n yisura iɣezfanen s weḥdaṛ n yemseḍra-nsen, ssuddsen daɣ ihanayen n uẓawan d tzikkent n tewlafin.

 Llant-d daɣ tduba tubrinin ɣef ubeddel n unezwi deg Ldzayer, tagnit n tmeṭṭut tadzayrit d wamek ay d-tettban Ldzayer deg ttawilat n yisalan ibriṭaniyen d wanglusaksiyen s umata.  

Last modified on Lexmis, 15 Fuṛaṛ 2018 13:34
Tafaska Tabriṭanit n Tẓuri n « Mawaqif » tga-d taẓrigt i Lezzayer
  Yeffeɣ-d ass n : Letniyen, 12 Fuṛaṛ 2018 12:39     Taggayt : IDLES     Ɣran-t : 275 n tikkal   Bḍu