Ussan n « Ssinima n Twat » deg Wedrar: asɛeddi n wugar n 20 n yifetrawen d yisura iwezlanen

Yeffeɣ-d ass n : Lḥedd, 11 Fuṛaṛ 2018 14:46   Ɣran-t : 309 n tikkal
Ussan n « Ssinima n Twat » deg Wedrar: asɛeddi n wugar n 20 n yifetrawen d yisura iwezlanen

ADRAR– Ugar n 20 n yifetrawen d yisura iwezlanen ay d-iɛeddan deg wussan n « Ssinima n Twat » ay d-yellan ass n ssebt deg tzeɣɣa n ssinima n Afrah n Wedrar.

Tadyant-a d azwur n Wexxam n Yedles n Wedrar yernu iswi-nnes d anadi d ussebɣes n wuẓwiren n ssinima deg temnaḍt-a deg wayen yerzan afares asliẓran d usseɣnew n tallunin n wesɛeddi n yifetrawen n yenfarasen ilemẓiyen, ɣef wakken ay d-nnan yemsuddsen.

 Tiṣekkiwin ay d-iɛeddan deg tedyant-a ḥuzan-d isental yemgerraden gar-asen arramen imiɣsen ay tga Fṛansa deg Reggan, tamsalt tafalesṭinit, asselmed n Leqran deg Wedrar, tamerrit deg Tniri, tamedyezt taɣerfant d tgemmi n uhellil n Yiguraren.

 Asɛeddi n yisura-a yeḍfer-it-id weskasi meɣɣren gar yemttekkiyen, imaslaḍen n tesmilt n wezraf d wegdud ɣef temsal yemgerraden yeqqnen ɣer ussewjed d ufares n yifetrawen d yisura imwezlanen, asinaṛyu, abran , asentel d wuguren itwilanen n wemday, isemda imeslanen d wid n tmeẓriwt d uɣellet n teṛcibin deg ufares.

 Cekṛen-d yemttekkiyen azwur-a ay d-yesseknen ussisen-nsen deg ufares n ssinima yernu yella-d d tabitrint i ussunnem n yifarisen-nsen, azɣan sɣur yimazzagen d wesnegmu d usseblel n yifarisen-a deg yimal.

Ussan n « Ssinima n Twat » deg Wedrar: asɛeddi n wugar n 20 n yifetrawen d yisura iwezlanen
  Yeffeɣ-d ass n : Lḥedd, 11 Fuṛaṛ 2018 14:46     Taggayt : IDLES     Ɣran-t : 309 n tikkal   Bḍu