Menu principal

Menu principal

LEZZAYER TAMANEƔT – Yessuter umzaɣ n mennaw n yimettwerda akken ad twexxer teɣdemt mennaw n temsal yellan mgal yimettwerda-a yernu yella-d waya imi mennaw seg yibugaṭuten d-yelhan s temsal-a uḍnen anfafad bu uqacuc, ɣef wakken ay d-yenna uɣlif n teɣdemt deg yiwen n ulɣu.  

Published in LEZZAYER

TIPAZA – Iwekked-d uneɣlaf amenzu, Abdelaziz Djerad, ass n usiḍyas seg Tipaza, dakken werɛad ur d-yelli wawal ɣef umdal n yiɣerbazen ɣef lǧal n uzraɛ n unfafad bu uqacuc, yernu ttilin-d yinermisen ussan-a d tnarmin tiwerdaniyin i tmesɣiwt n tgezzayt mgal waḍḍan n Covid-19.

LEZZAYER TAMANEƔT – Yenna-d uneɣlaf n tdawsa, Abderrahmane Benbouzid, ass n ukwas, dakken Lezzayer ad d-tawi tagezzayt mgal waḍḍan n Covid-19 ara izerken akk tiwtilin iwatan i waya, akken yebɣu yili watig-nnes.

LEZZAYER TAMANEƔT – Tenna-d tmaɣunt n unemhal n yimeẓla n tdawsa n uɣlif n tdawsa, Lamia Yacef, ass n ukras deg Lezzayer Tamaneɣt, dakken akettur n umager ad yettwarnu ɣer 65%.

LEZZAYER TAMANEƔT – Yesbeḍ-d uneɣlaf amenzu, Mass Abdelaziz Djerad akaten imaynuten i usejhed n wakaten n uḥezzeb d umesten i lmend n usebded n uzraɛ n tkaɣreft n unfafad bu uqacuc.

Published in LEZZAYER

LEZZAYER TAMANEƔT – Iwekked-d unemhal amatu n Wammas Asegnafan-Asdawan n Mustapha-Pacha, Abdeslam Bennana, ass n usiḍyas, dakken aɣsur-a ur yemdil ara yernu mazal-it yettkemmil amuzel-nnes akken yennum.

LEZZAYER TAMANEƔT – Teɣtes yiwet n tesmilt tagtagzumant yellan ddaw usiggi n uneɣlaf n yiweẓla isɣananen, Youcef Belmehdi, asigel n tẓallit n usimwas seg wass n 13 Wamber 2020 deg Tmesgida Tameqqrant n Lezzayer yernu ur d-tetteqqal ara tẓallit-a arma mlalent-d tewtilin iwatan, yernu yella-d waya ɣef lǧal n tegnit takaɣerfant aydeg tella tmurt ussan-a (aḍḍan n Covid-19), ɣef wakken ay d-yenna, ass n usinas yiwen n ulɣu n uɣlif.

Published in LEZZAYER

 

LEZZAYER  TAMANEƔT – Sḍis n yimiḍiyen kramraw d sin (642) n liḥalat timaynutin yettwatebten i yeṭṭef unfafad Bu Tesmert (Covid-19), 288 n wid ijin akked tmettant n 14 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n uynas (letniyen) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert Covid-19, Amsuji Djamel Fourar.

LEZZAYER TAMANEƔT – Yuzen uselway n tegduda, Abdelmadjid Tebboune, asnemmer-nnes ameqqran i Yizzayriyen mi ay nneknan ɣer tegnit-nnes tadawsant yernu imi ay « ddukklen » ɣer yidis n uselway-nsen, am wakken ay d-iwekked dakken yefka azal d ameqqran i udeɛɛu-nsen d usirem-nsen akken ad yejji s tɣawla, ɣef wakken ay d-yenna, ass n usamas, yiwen n ulɣu n tselwit n tegduda.

Published in LEZZAYER

LEZZAYER TAMANEƔT – Sḍiset n tmaḍ d samraw (670) n tejṛa timaynutin n unfafad bu uqacuc ay d-yettwawekkden, am wakken ay d-llant daɣ 254 n tujjyiwin d 12 n tmettanin deg 24 n yisragen ineggura deg Lezzayer, ɣefn wakken ay d-yenna, ass n usamas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.