Menu principal

Menu principal

TUNES – Anmager n Udiwenni Asertan Agerlibi, yellan ddaw leɛnaya n Tuddsa n Yiɣlanen Yeddukklen, yebda-d ass n uynas yernu iswi-nnes d asiweḍ ɣer uferru agaran n tezɣent talibuit ara yesjehden aḥbas n yimenɣi yernu ad yessiweḍ ɣer tefranin d unabaḍ yeddukklen, ɣef leḥsab n Yiɣlanen  Yeddukklen.

Published in AMAḌAL

LEZZAYER TAMANEƔT – Yeṭṭef-d uselway n tegduda, Mass Abdelmadjid Tebboune, ass n uynas, tiɣri s usawal sɣur umtil-nnes atunsi, Kais Saied, yernu ssawlen ɣef wassaɣen isindisanen d tedyanin tineggura ay d-yellan deg temnaḍt, ladɣa deg temsalt talibit, ɣef wakken ay d-yenna yiwen n ulɣu n tselwit n tegduda.

Published in LEZZAYER

LEZZAYER TAMANEƔT – Iger-d tiɣri uneɣlaf n yiweẓla iwerdaniyen, Sabri Boukadoum, ass n uynas, i Useqqamu n Tɣellist n Tuddsa n Yiɣlanen Yeddukklen, akken « ad d-sɛejlen » asummed n umazun uzzig i Libya yernu iḥettet ɣef tsudut-a ad tesseḥbiber ɣef uzrak n tfergi ɣef yimrigen ay d-yettwaḥettmen ɣef Libya.

Published in AMAḌAL

LEZZAYER TAMANEƔT – Yules iwekked-d uneɣlaf n yiweẓla n uzɣar, Sabri Boukadoum, ass n uynas deg Lezzayer Tamaneɣt, dakken Lezzayer teṭṭef deg waddud-nnes n tifrat tasertant deg Libya, d win aydeg tugi akk aseqdec n yimrigen d yimkariyen.

Published in AMAḌAL

LEZZAYER TAMANEƔT – Yenna-d uneɣlaf n yiweẓla iwerdaniyen, Sabri Boukadoum, ass n usinas, dakken aḥraz n talwit d tɣellist deg Mali, Libya d wakk timura tinaragin d ayen yesɛan « tanafut d tasnuddsant » i Lezzayer ay yessewjaden iman-nnes, seg yidis niḍen, akken ad tessuddes tasefrant i ucegger n tmenḍawt « ara yilin d aseɣwen gar yizri d yimal n Lezzayer tamaynut ».

Published in LEZZAYER

LEZZAYER TAMANEƔT – Yules iwekked-d uneɣlaf azzayri n yiweẓla n uzɣar, Sabri Boukadoum, ass n usinas, dakken Lezzayer tugi ad tazen imrigen ɣer Libya, am wakken ay yesḥassef imi amgaru ay d-yettilin din d win ay ttnaɣen yidisan iwerdaniyen s yiɣallen ilibiyen.

Published in AMAḌAL

ṬRABLES – Yenna-d Unabaḍ n Tdukli Taɣelnawt n Libya d umni alibi yellan deg temdint n Ṭubruq (deg ugmuḍ), ass n usimwas, dakken ad qadren asebded amatu n yimenɣi deg wakk agelluy alibi yernu ur ttɛeḍḍilen ara ad ssuddsen tifranin. Ma d Tuddsa n Yiɣlanen Yeddukklen teckeṛ-d amtawa-a yernu tḥettet-d ɣef yidisan ay terza temsalt ad farṣen seg tegnit-a « tamezruyant ».

Published in AMAḌAL

LEZZAYER TAMANEƔT – Icaɣli-d uneɣlaf azzayri n yiweẓla iwerdaniyen, Sabri Boukadoum, ass n ukras, ɣef « timmaglit n uxṣar n tegnit deg Libya d wayen ayyes yezmer ad d-yeglu waya ɣef tɣellist n temnaḍt », ɣef wakken ay d-yenna yiwen n ulɣu n uɣlif n yiweẓla n uzɣar.

Published in AMAḌAL

LEZZAYER TAMANEƔT – Iger-d tiɣri uneɣlaf azzayri n yiweẓla iwerdaniyen, Sabri Boukadoum, ass n ukras, deg Useqqamu n Tɣellist, i tifrat d « tamehlant yernu d tamsekrant » ara yebnun ɣef usebded n yimenɣi, lebɣi ilelli n Yilibiyen d tissuḍeft tagraɣlant.

Published in AMAḌAL

ṬRABLES – Iger-d tiɣri uselway n useqqamu aselwayan n unabaḍ alibi n tdukli taɣelnawt, Fayez Al-Sarraj, ass n usinas, i tuqqla s tɣawla ɣer udiwenni asertan gar Yilibiyen ddaw leɛnaya n Tuddsa n Yiɣlanen Yeddukklen, yernu yenced-d wid ay terza temsalt ad mtawan ɣef tferkit n ubrid d ukala asertan ara yesdukklen akk Ilibiyen.

Published in AMAḌAL