Menu principal

Menu principal

Tamesgida Tameqqrant n Lezzayer: Arẓam n tzeqqa n tẓallit i lmend n Tlalit n Umazun

Yeffeɣ-d ass n : Lexmis, 29 Tubeṛ 2020 13:48   Ɣran-t : 3 n tikkal
Tamesgida Tameqqrant n Lezzayer: Arẓam n tzeqqa n tẓallit i lmend n Tlalit n Umazun

LEZZAYER TAMANEƔT – Yesselwi uneɣlaf amenzu, Abdelaziz Djerad, ass n ukras deg Lezzayer Tamaneɣt, tafugla n urẓam n tzeqqa n tẓallit n Tmesgida Tameqqrant n Lezzayer i lmend n usfugel n Tlalit n Umazun (taẓallit d talwit n Yuc fell-as), yernu yella-d waya ddaw leɛnaya tunnigt n uselway n tegduda, Abdelmadjid Tebboune.

I lmend n waya, yeẓẓul uneɣlaf amenzu, Abdelaziz Djerad, tiẓilla n lmeɣreb d lɛica, ɣer yidis n uselway n Useqqamu n Uɣlan s yimedzi, Salah Goudjil, aselway n Ugraw Aɣerfan Aɣelnaw, Slimane Chenine, aselway n Useqqamu Amenḍawan, Kamel Fenniche akked uselway n Useqqamu Islaman Unnig, Bouabdellah Ghlamallah, am wakken ay ḥedṛen daɣ deg tẓilla-a kra n yimaslaḍen n unabaḍ, isemtaren n uselway n tegduda, imasayen unnigen n uwanak, igensasen n tfekka tadiplumatit tazzayrit, imamen, lecyax n zzawyat d yimjewwden n Leqran.  

Yedden-d lmeɣreb i tikkelt tamezwarut seg Tmesgida Tameqqrant yernu d amaddan Yacine Iamrane ay d-yeddnen. Ma d taẓallit d imam n tmesgida n Abdelhamid Ben Badis n Wehṛan, Mohamed Megatli, ay d-yellan d imam-nnes.

Ssuddsen tafugla gar tẓilla n lmeɣreb d tin n lɛica i tukci n warrazen n yimjewwden n Leqran d kra n yiselmaden ay isaggen ɣef yimalas aɣelnaw n Leqran ay d-yellan, seg melmi kan, deg Mestɣanem.

Iwekked-d uneɣlaf n yiweẓla isɣananen, Youcef Belmehdi, deg tinawt-nnes, dakken aẓunẓu n Tmesgida Tameqqrant n Lezzayer deg uzemz-a n Tlalit n Umazun (taẓallit d talwit n Yuc fell-as) d usfugel n 1u n Wamber 1954 deg Muḥemmadeyya d « ass amuḥemmdi yernu d amẓerwambri ». Aya d « asihaṛ d umezruy ay d-yernan ɣer umezruy anesbaɣur n Lezzayer yernu d izen ara iḥerzen telqey n umummi d wuẓẓul n tiddit ay yettwaḍefren ». 

 

 

Tamesgida Tameqqrant n Lezzayer: Arẓam n tzeqqa n tẓallit i lmend n Tlalit n Umazun
  Yeffeɣ-d ass n : Lexmis, 29 Tubeṛ 2020 13:48     Taggayt : LEZZAYER     Ɣran-t : 3 n tikkal   Bḍu