Menu principal

Menu principal

Tamenḍawt : imeslayen n Chanegriha ɣef tixxutert n tsefrant twennet-itent s tehri tɣamsa taɣelnawt

Yeffeɣ-d ass n : Letniyen, 19 Tubeṛ 2020 20:13   Ɣran-t : 0 n tikkal
Tamenḍawt : imeslayen n Chanegriha ɣef tixxutert n tsefrant twennet-itent s tehri tɣamsa taɣelnawt

LEZZAYER  TAMANEƔT - Taɣamsa taɣelnawt tuɣal-d s tehri, deg teẓrigt-is n uynas (letniyen), ɣef yimeslayen i d-yenna ujiniral n Tfekka n tredsa, aɣella n Yifesyanen n Tredsa taɣelnawt taɣerfant, Saïd Chanegriha, i yeɣdebban, ass n usamas (lḥedd) mi yerza ɣur Tmenɣast, ɣef tixxutert n tsefrant ɣef ucegger n Tmenḍawt ara d-yeḍrun ass n 1 wamber i d-iteddun.

Ayalas El Moudjahid ifser-d deg Tmezwarut-is imeslayen n uɣella n Yifesyanen n Tredsa taɣelnawt taɣerfant, i igan yiwet n tirzi n umahil akked uswaḍ ɣur Temnaḍt taredsant tis 6, yeɣra-d i yimehhalen n tredsa akken ad ilin "deg uswir n tmasit tamenḍawant" i asen-yettunefken mi ara d-tili tsefrant ɣef usenfar n ucegger n Tmenḍawt.

Aɣmis L'Expression, igan azwel s yisekkilen izuranen : "Ilim deg uswir", yenna-d dakken ajiniral n Tfekka n Tredsa "ur icuḥ ara akken ad yini lferḥ-is deg wayen yerzan imal yelhan n Lezzayer".

Seg yidis-iḍen, i uyalas Horison, i d-yuɣalen, ula d netta, ɣur yinaw i d-yenna ujiniral n Tfekka n Tredsa, Chanegriha Saïd, deg yiwen n umagrad ilan azwel-a : "Aḍman n tewtilin n telwit mi ara d-teḍru tsefrant".

Deg yiwet n tmuɣli, Aɣmis ayalas Ec-chaâb, almend n tsefrant, isers-d ɣer sdat, taseɣrut n uɣella n Yifesyanen n Tredsa taɣelnawt taɣerfant s tuddma n wayen i d-yenna deg-s ɣef umedya "Lezzayer la tḍeffer abrid-is s leḥder akked teflest ɣer yiswan-is uɣtiyen uɣdimen".

Last modified on Laṛebɛa, 21 Tubeṛ 2020 13:05
Tamenḍawt : imeslayen n Chanegriha ɣef tixxutert n tsefrant twennet-itent s tehri tɣamsa taɣelnawt
  Yeffeɣ-d ass n : Letniyen, 19 Tubeṛ 2020 20:13     Taggayt : LEZZAYER     Ɣran-t : 0 n tikkal   Bḍu