Menu principal

Menu principal

Acegger n tmenḍawt ad ifak akk imzelliwen ay d-yellan deg yizri

Yeffeɣ-d ass n : Lḥedd, 18 Tubeṛ 2020 09:45   Ɣran-t : 3 n tikkal
Acegger n tmenḍawt ad ifak akk imzelliwen ay d-yellan deg yizri

ǦELFA – Iwekked-d uneɣlaf amenzu, Abdelaziz Djerad, ass n usiḍyas deg Ǧelfa, dakken acegger n tmenḍawt ayɣef ara d-tili tsefrant ass n 1u n Wamber « ad ifak akk imzelliwen ay d-yellan deg yizri ».

« Lezzayer tesseɛreq abrid i mennaw n warramen yekkaten ad swaɣen arkad-nnes seg wasmi ay yettwafren uselway n tegduda Mass Abdelmadjid Tebboune ass n 12 Dujembeṛ yezrin », ɣef wakken ay d-yenna Mass Djerad deg yiwen n umyager d yigensasen n tmetti taɣarimt deg tgara n terzi-nnes ɣef twilayt-a.

« Tasefrant ɣef ucegger n tmenḍawt ara d-yilin ass n 1u n Wamber ad d-yili d asihaṛ axatar ara ifaken akk imzelliwen d-yellan deg yizri », ɣef wakken ay d-iwekked, am wakken ay d-yerna dakken tamenḍawt ay d-yetteddun ad tili d tin n « yilemẓiyen d wakk taggayin n uɣref azzayri imi tamenḍawt n Tesguri n 1u n Wamber 1954 d tin d-iqesden tadukli taɣelnawt ».

Deffir ma yeckeṛ-d affaf n uɣref azzayri deg wass n 22 Fuṛaṛ 2019 (Amussu Aɣerfan), iwekked-d Mass Djerad dakken Lezzayer tamaynut « ad tebnu ɣef llsas n warraw-nnes, tisednan d yirgazen, ay izemren ad as-sjehden tanaya-nnes ».

 

Acegger n tmenḍawt ad ifak akk imzelliwen ay d-yellan deg yizri
  Yeffeɣ-d ass n : Lḥedd, 18 Tubeṛ 2020 09:45     Taggayt : LEZZAYER     Ɣran-t : 3 n tikkal   Bḍu