Menu principal

Menu principal

"Takriḍt tanfalant" deg yiẓeḍwa inmettiyen d ayen "ur nettwaqbal ara" yerna "teggez" tafekka tanmettit taɣelnawt

Yeffeɣ-d ass n : Ssebt, 17 Tubeṛ 2020 23:37   Ɣran-t : 5 n tikkal
"Takriḍt tanfalant" deg yiẓeḍwa inmettiyen d ayen "ur nettwaqbal ara" yerna "teggez" tafekka tanmettit taɣelnawt

LEZZAYER  TAMANEƔT - "Takriḍt tanfalant" i la ssedduyen deg yiẓeḍwa inmettiyen d ayen "ur nettwaqbal ara" yerna "teggez" tafekka tanmettit taɣelnawt, i d-yenna ass n usiḍyas (ssebt) uneɣlaf n Teɣwalt, amutlay n Unabaḍ, apṛufisur Ammar Belhimer, yerna yenna-d dakken aɣlif-is ad iṛuḥ ɣer teɣdemt "yal mi ara yessefk waya".

"Taẓeyt n tesnatwilin timaynutin n teɣwalt ur d-teǧǧi ccek. Yegra-d ad nissin taɣara n yizen yellan, ad nesḥissef aṭas, ur izad wara. "Takriḍt tanfalant" i la yettwazuzzuren deg yiẓeḍwan-nneɣ inmettiyen d ayen ur nettwaqbal ara yerna yeggez tafekka tanmettit s tiɣin n tannumi s lqella n usegmi, takriḍt akked "tiɣɣersiwt", ara d-iḥettmen ayen i umi ttinin "tugdut n dir, n lkerḥ akked usfuǧǧeɣ", i yesḥassef deg yiwet n tdiwennit i yefka i Tnegga n Yisalan n Lezzayer.

Yemmeslay-d ɣef unerni n yisalan n tkerkas deg yiẓeḍwa inmettiyen akked tɣamsa taliktrunant, isenned ɣef yigmaḍ n yiwen n usenged i iga Immar deg yebrir 2019, ideg d-yenna dakken 18 n yimelyunen n Yizzayriyen la ttwalin yal ass tiregwa n tliẓri, 17 17 n yimelyunen deg Internet, 15,5 n yimelyunen d imidyaten inmettiyen, 3 n yimelyunen i ṛṛadyuwat akked 2,6 n yimelyunen d imeɣriyen.

Ibedd mgal "n usnnummi, n useddu akked tikci n tzerfa i tekriḍt, akken tebɣu tili telɣa-s, ama deg uskasi anagdud, anda yebɣu yeḍru neɣ akken tebɣu tili ssebba", yenna-d Mass Belhimer dakken takriḍt-a tedi tawwur i "yizan iliktṛunanen", yesmekta-d dakken d tanfali i yeskanen "wid yesmahalen Internet ur nesɛi ara nniyya yelhan ilan iswi n "usluɣu" n yiskasiyen s useɣnew n yimennuɣen ur nesɛi ara ssebba".

"Takriḍt tanfalant" deg yiẓeḍwa inmettiyen d ayen "ur nettwaqbal ara" yerna "teggez" tafekka tanmettit taɣelnawt
  Yeffeɣ-d ass n : Ssebt, 17 Tubeṛ 2020 23:37     Taggayt : LEZZAYER     Ɣran-t : 5 n tikkal   Bḍu