Menu principal

Menu principal

Asenfar n usenwi n Tmenḍawt yeḍwel amenzay n tgada n wuzzufen

Yeffeɣ-d ass n : Lexmis, 15 Tubeṛ 2020 23:52   Ɣran-t : 10 n tikkal
Asenfar n usenwi n Tmenḍawt yeḍwel amenzay n tgada n wuzzufen

LEZZAYER  TAMANEƔT - Aneɣlaf n yiweẓla iwerganiyen, Sabri Boukadoum yenna-d, ass n ukwas (lexmis) deg Lezzayer tamaneɣt, dakken asenfar n usenwi n Tmenḍawt ara iɛeddin deg tsefrant taɣerfant ass n 1 wamber i d-iteddun yeḍwel amenzay n tgada n wuzzufen.

Deg yiwen n yinaw i d-yeɣra deg yimuhal n Usarag aɣelnaw ɣef "tmeṭṭut beṛṛa n temdint deg umaḍal n uṛmas : igli 2030", yesseddi-d Mass Boukadoum dakken "Lezzayer teḍwel, seg-mi newwi azarug, amenzay n tgada n wuzzufen deg tmenḍawin-is almend n temlilit n tidet i turar akked dderk yeɣlin ɣef tmeṭṭut deg umennuɣ i uslelli nru-as seg i newwi azarug-nneɣ".

Yezzireg-d dakken Awanak "yeṭṭef aṭas deg useḍru akked uḥareb ɣef umnezay-a deg usenfar n usenwi n Tmenḍawt ara nesɛeddi deg tsefrant taɣerfant ass n 1 n wamber i d-iteddun, i yerna yenna-d uneɣlaf".

Aneɣlaf n Yiweẓla iwerdaniyen, deg ukatar-a, yesmekta-d dakken "Awanak azzayri yestenya aḥric ameqqran n yimtawayen igraɣlanen yerzan aḥareb akked umesten n yizerfan n tulawin".

Yerna yenna-d Mass Boukadoum dakken Lezzayer "tga afara ameqqran deg wayen yerzan attekki n tidet n tmeṭṭut deg tmeddurt tasertant", ttbut d anekcum akked tuṭṭfa n twuriyin tunnigin akked yimeḍqan isertanen, d ayen i yessawḍen Lezzayer, i d-yenna, ad tesfari ar umḍiq wis 30 deg wumuɣ n Ywanaken i yessaherwen asgenses n tmeṭṭut deg wumni deg uswir agraɣlan".

I uneɣlaf n Yiweẓla iwerdaniyen, ayen akk iɣer tewweḍ akked wayen i d-tewwi "d ttbut n wussisen iga Uwanak i useḍru n tgada gar urgaz akked tmeṭṭut".

Asenfar n usenwi n Tmenḍawt yeḍwel amenzay n tgada n wuzzufen
  Yeffeɣ-d ass n : Lexmis, 15 Tubeṛ 2020 23:52     Taggayt : LEZZAYER     Ɣran-t : 10 n tikkal   Bḍu